അപ്പൊ ഇനി നില്‍ക്കുന്നില്ല 5

Posted on

ഷാനു അജയുടെ ക്ലാസ്സിനു മുന്നിലൂടെ നടന്നിട്ടും അവനെ കണ്ടില്ല … അല്‍പം പോയിട്ടവള്‍ തിരികെ വന്നു ഒന്ന് കൂടി നോക്കി …. എന്നിട്ട് നിരാശയോടെ പാലമരചുവട്ടിലേക്ക് പോകാന്‍ തിരിഞ്ഞപ്പോള്‍ തൂണില്‍ ചാരി , കയ്യും കെട്ടി വെച്ച്അവളെ തന്നെ നോക്കി നില്‍ക്കുന്ന അജയ്
ഷാനുവിന്റെ മുഖത്തേക്ക് രക്തം ഇരച്ചു കയറി .. അവന്‍ ഒരടി അടുത്തേക്ക് നടന്നപ്പോള്‍ ഷാനു ഒറ്റയോട്ടത്തിനു തന്റെ ക്ലാസ്സിലെത്തി .. അപ്പോഴേക്കും ബെല്‍ മുഴങ്ങിയിരുന്നു
ദേവിക അവളുടെ തുടയില്‍ പിച്ചിയപ്പോള്‍ ഷാനു അവളെ കണ്ണുരുട്ടി
” എന്താടി പിശാചേ ..എനിക്ക് വേദനിച്ചൂട്ടൊ ”

” ഡി …അങ്ങോട്ട്‌ നോക്കടി ..ഷാനു മോളെ …അങ്ങോട്ട്‌ നോക്കടി ” ചെവിയില്‍ പതുക്കെ ദേവിക പറഞ്ഞപ്പോള്‍ ഷാനു ജനലിലൂടെ പുറത്തേക്ക് നോക്കി .. വരാന്തയില്‍ അവളെ തന്നെ നോക്കി അജയ് .. ഷാനു കൈ കൊണ്ട് ‘ പോ ..പോ ” എന്നാഗ്യം കാണിച്ചു …അജയ് അവളെ ഇറങ്ങി വരാന്‍ തിരിച്ചും ആഗ്യം കാണിച്ചു …ഷാനു പിന്നെ അങ്ങോട്ട്‌ നോക്കിയില്ല …
ഫസ്റ്റ് അവര്‍ കഴിഞ്ഞു മിസ്സ്‌ ഇറങ്ങി പോയതും ജനാലക്ക്‌ അടുത്തിരുന്ന കുട്ടിയുടെ കയ്യില്‍ എന്തോ കൊടുത്തിട്ട് , പോകുന്ന അജയെ ഷാനു കണ്ടു .. ദേവിക ആ കടലാസ് അവളുടെ കയ്യില്‍ നിന്ന് വാങ്ങി നിവര്‍ത്തി .
” മൂന്നാമത്തെ അവര്‍ പാലമരച്ചുവട്ടില്‍ വരണം ..ഞാന്‍ കാത്തു നിക്കും ”
” യ്യോ ..പടച്ചോനെ ഞാന്‍ പോവില്ല ‘ ഷാനു ദേവിയോട് പറഞ്ഞതും അടുത്ത മിസ്സ്‌ ക്ലാസ്സിലേക്ക് വന്നു
‘ എന്തിനാ വരാന്‍ പറഞ്ഞെ …ഞാന്‍ പോവാ ‘ സിമന്‍റ് ബഞ്ചിലിരുന്ന അജയ് തിരിഞ്ഞു നോക്കി .. തല പുതച്ചിരിക്കുന്ന ഷോളിന് താഴെ രണ്ടു കരിമീന്‍ പിടക്കുന്ന പോലെയാണ് അവനു തോന്നിയത് .. സുറുമ നീളത്തിലെഴുതിയ കണ്ണുകളില്‍ വല്ലാത്ത തിളക്കം ..അവന്‍റെ നോട്ടം കണ്ടത് കൂമ്പി വരുന്നു
‘ ഇരിക്ക് ”
” എനിക്ക് പോണം “
” എന്നാ പൊക്കോ…പിന്നെന്തിനാ എന്നോട് കോളേജില്‍ വരാന്‍ പറഞ്ഞെ ”
” അത് ..പിന്നെ …സോറി ”
” എന്തിനു ?”

” അത് ഞാന്‍ …അന്ന് അടിക്കാന്‍ പാടില്ലാരുന്നു”
‘ അത് ഞാന്‍ തന്‍റെ കയ്യില്‍ പിടിച്ചിട്ടല്ലേ …”
‘ അപ്പൊ പിന്നെ ..എന്തിനാ കോളേജില്‍ വരാതിരുന്നെ ?”
‘ അത് തനിക്ക് എന്നോട് സ്നേഹമില്ലന്ന്‍ തോന്നിയോണ്ട്” അജയുടെ കണ്ണില്‍ കുസൃതി
” സ്നേഹോക്കെ ഒണ്ട് …. പക്ഷെ ..”
‘ പക്ഷെ എന്താ ഷാനു …താനിവിടെ ഇരിക്ക്…’ ഷാനു തലചെരിച്ച് എല്ലായിടത്തും ഒന്ന് നോക്കിയിട്ട് സിമന്‍റ് ബഞ്ചിന്റെ അരികില്‍ ചെരിഞ്ഞിരുന്നു , എന്നിട്ട് ഒന്ന് കൂടി തല പുതച്ചു , കണ്ണുകള്‍ കൂടുതല്‍ പിടച്ചു കൊണ്ടിരുന്നു
‘ പക്ഷെ , എനിക്ക് വെറുതെ ഒരു കോളേജ് പ്രേമോം ഒന്നും ഇഷ്ടല്ല ….നിങ്ങളെ പോലെ പണമുള്ള വീട്ടിലെ പിള്ളേര്‍ക്ക് മൊഞ്ചുള്ള പിള്ളേരെ കാണുമ്പോ ഇങ്ങനത്തെ പൂതിയൊക്കെ തോന്നും ..എനിക്കിഷ്ടല്ല അത് ‘

പറഞ്ഞു തീര്‍ന്നതും അജയ് പൊട്ടിച്ചിരിച്ചു . ഷാനു ഭയന്ന് ചുറ്റും നോക്കി വീണ്ടും തലയിലെ ഷോള്‍ മാടി വെച്ചു
‘ എന്തിനാപ്പോ ചിരിക്കണേ? ”
‘ അല്ല …. മൊഞ്ചുള്ള കുട്ടീന്ന് കേട്ടിട്ട് ചിരിച്ചതാന്നെ …അതിനിപ്പോ ആരാ ഇവിടെ ഈ മൊഞ്ചുള്ള കുട്ടി?”
” ഷാനുവിന്റെ മുഖം കടന്നല് കുത്തിയ പോലെ വീര്‍ത്തു
” ഞാന്‍ പോണു ‘ അവള്‍ എഴുന്നേല്‍ക്കാന്‍ തുടങ്ങിയതും അജയ് അവളുടെ ഉരുണ്ട കൈത്തണ്ടയില്‍ പിടിച്ചു
‘ ഇരിക്കടോ അവിടെ ‘ ഷാനു അനങ്ങിയില്ല ..അവനാ മിനുത്ത കൈത്തണ്ടയില്‍ പതിയെ തലോടി
‘ അടിക്കണില്ലേ താന്‍ ?”
ഷാനു മിണ്ടിയില്ല
‘അപ്പൊ എന്നെ ഇഷ്ടമാണെന്ന് സാരം ”

” അതൊന്നും അല്ല …പാവല്ലേ എന്നോര്‍ത്തിട്ടാ ” ഷാനുവിന്റെ കയ്യിലെ രോമങ്ങള്‍ എഴുന്നു
‘ എന്നാ ഞാന്‍ സീരിയസ് ആണെങ്കിലോ ….. ഞാനീ മോഞ്ചത്തിയെകെട്ടിക്കോട്ടേ ?’
‘ അപ്പൊ , ഇപ്പോളല്ലേ എനിക്ക് മോഞ്ചില്ലന്നു പറഞ്ഞെ “
” ഓ …ഒള്ള മൊഞ്ച് കൊണ്ട് ഞാന്‍ അഡ്ജസ്റ്റ് ചെയ്തോളാം ”
ഷാനുവിന്റെ മിഴികള്‍ നാണത്താല്‍ കൂമ്പിയടഞ്ഞു
” ഞാന്‍ പോവാ ….’ അവളവന്റെ കൈകള്‍ വിടുവിച്ചു തിരിഞ്ഞോടി .. കല്ല്‌ പാകിയ വഴി തിരിയുന്നിടത്ത് വെച്ചു ഷാനു അവനെ തിരിഞ്ഞു നോക്കി …അജയ് അവളെ നോക്കി കൈ വീശിയപ്പോള്‍ ഷാനു അറിയാതെ കൈകള്‍ ഉയര്‍ത്തി ..
”””””””””””””””””””””””””””””””””””””””””””””””””””””
അന്നു , ജമീല വന്നപ്പോള്‍ റാവുത്തര്‍ വീട്ടിലില്ലായിരുന്നു . അവള്‍ പുട്ടും കറിയും ഉണ്ടാക്കി വെച്ചിട്ട് , ഊണ് കാലാക്കി… രണ്ടു മണി ആയിട്ടും റാവുത്തര്‍ വന്നില്ല … ആറു മണിക്ക് അവള്‍ വീട്ടിലേക്ക് പുറപ്പെടാന്‍ നേരവും അയാളെ കാണാത്തതിനാല്‍ ജമീല നിരാശയോടെ വീട്ടിലേക്ക് നടന്നു
””””””””””””””””””””””””””””””’

‘ ഉമ്മാ …സ്വര്‍ണം എടുത്തു വിക്കാം ..അതിനുള്ള പൈസ ആയിട്ടുണ്ട് …പക്ഷെ വേറെവിടോ പോയി വാങ്ങണം ”
‘ ആരാ മോനെ പൈസ തരണേ ?”
‘ ബാങ്കിലെ സാറാണ് ഉമ്മ ‘ കൂര്‍ക്ക മെഴുക്കു ഉലര്‍ത്തിയത് ,തലേന്നത്തെ മീന്‍ ചാറില്‍ വറ്റിച്ചെടുത്തതും കൂട്ടി ചോറ് വെട്ടി വിഴുങ്ങുന്നതിനിടെ ഷാമോന്‍ പറഞ്ഞു .. കൂര്‍ക്ക ഉലര്‍ത്തിയത് മീന്‍ ചാറില്‍ അല്‍പം എണ്ണയും വറ്റല്‍ മുളകും കൂടി പൊട്ടിച്ചു വഴറ്റിയെടുത്താല്‍ അവനു പെരുത്തിഷ്ടമാണ് . ബാക്കി വരുന്ന കറിയൊക്കെ റാവുത്തര്‍ക്ക് അവള്‍ എടുത്തോണ്ട് പോകുന്നതില്‍ എതിര്‍പ്പില്ല. അത് കൊണ്ട് തന്നെ മിക്ക ദിവസവും ഇറച്ചിയോ മീനോ കാണും വീട്ടില്‍ .
‘ പതിനഞ്ചിന് പോയി വാങ്ങണം … പതിനെഴിനെ തിരിച്ചു വരൂ … ” വിരല്‍ നോട്ടി നുണഞ്ഞു ഷാമോന്‍ പറഞ്ഞു
” അപ്പൊ മോന്‍റെ അഞ്ചു ലക്ഷം ആയി …അണ്ണന്റെ അടുത്തൊന്നു സൂചിപ്പിച്ചതാ ..അണ്ണന്‍ ഇന്ന് മുങ്ങി കളഞ്ഞു … അല്ലെങ്കില്‍ അത്രേം കുറച്ചു ഉണ്ടാക്കിയാല്‍ മതിയാരുന്നു ”
‘ എന്നാലും ബാക്കി വേണ്ടേ ഉമ്മാ ‘ ഷാമോന്‍ ജമീലയെ നോക്കി …
” ഉമ്മ ..ഒന്ന് കൂടി പറഞ്ഞു നോക്ക് …എങ്ങനെയേലും നമുക്ക് തിരിച്ചു കൊടുക്കാം ….. ഈ ഉലകത്തില്‍ റാവുത്തര്‍ അണ്ണന് ഉമ്മാനെ മാത്രേ കാര്യമുള്ളൂ ….’
ഷാമോന്‍ അങ്ങനെ പറഞ്ഞപ്പോള്‍ ജമീലയുടെ ഉള്ളൊന്നു കാളി ..ഇവന്‍ വല്ലതും മനസ്സില്‍ ഇരുത്തിയാണ്‌ പറഞ്ഞതോ ?’
‘ ഞാനും നോക്കട്ടെ ഇക്കാക്ക …അഞ്ചു ലക്ഷം ….” ഷാനു അത് പറഞ്ഞപ്പോള്‍ രണ്ടു പേരും അവളെ നോക്കി

” നിനക്കെവിടുന്നാ മോളെ ഇത്രേം പൈസ ……അതൊന്നും വേണ്ട …ആരോടും കെഞ്ചണ്ട’
അജയുടെ ചിരിയും , അവളുടെ കൈത്തണ്ടയില്‍ ഉള്ള തലോടലും ഒക്കെയോര്‍ത്തു , അവന്‍ തഴുകിയ കയ്യില്‍ തന്നെ നോക്കിയിരുന്നപ്പോള്‍ ആണ് ..
അഞ്ചു ലക്ഷത്തിന്‍റെ വീതം വെപ്പ് അവള്‍ കേട്ടത് …പെട്ടന്ന് അവളുടെ മനസ്സില്‍ അജയുടെ പേര് വീണ്ടും നിറഞ്ഞു ….അവനോട് ചോദിച്ചാലോ …..വേണ്ട … ഇഷ്ടാനെന്നു പറഞ്ഞയുടനെ പൈസ ചോദിച്ചാല്‍ അവനെന്തു ന് കരുതും …ന്നാലും …ആവശ്യമല്ലേ …. ചോദിച്ചു നോക്കാം … തരുന്നേല്‍ തരട്ടെ …തരും ….തരാതിരിക്കില്ല ………… ആ ധൈര്യത്തിലാണവള്‍ അഞ്ചു ലക്ഷം ഏറ്റത്.
അവളുടെ മുഖത്തെ നിശ്ചയദാര്‍ദ്ദ്യം കണ്ടവര്‍ പിന്നെയൊന്നും ചോദിച്ചില്ല .
മൂന്നു പേരും അല്‍പം സമാധനതോടെയാണ് അന്നുറങ്ങാന്‍ കിടന്നത്
”””””””””””””””””””””””””””””””

ഡിസംബര്‍ 13
””””””””””””””””””””””
ഷാമോന്‍ അന്ന് ചുറുചുറുക്കോടെ ജോലി ചെയ്തു … ഉച്ച കഴിഞ്ഞപ്പോള്‍ അവനൊരു കോള്‍ വന്നു
” ഹലോ ….ആരാണ് ?’
” ഞാനാ ഷാമോനെ ..താര ‘
” ആ …സാറോ? സാറേ എന്ത് പറ്റി .? പൈസക്ക് വല്ല കുഴപ്പവും ?” അവന്‍റെ സ്വരത്തില്‍ അങ്കലാപ്പ് നിറഞ്ഞിരുന്നു
” ഹ ഹ …അതൊന്നുമല്ല …താന്‍ അഞ്ചരക്ക് ടൌണിലെ കല്യാണി ടെക്സ്റയില്‍സിന്റെ മുന്നില്‍ വരണേ ”
‘ വന്നേക്കാം സാറേ …ഞാന്‍ പേടിച്ചു പോയി ”
‘ പേടിക്കുവോന്നും വേണ്ട …താര ജീവനോടെ ഉണ്ടേല്‍ തനിക്ക് പൈസ തന്നിരിക്കും ..പോരെ ?”
” അത് മതി സാറേ ”
””””””””””””””””””””””””””””””””’
“ദേ …വരുന്നുണ്ടെടാ നിന്‍റെ മൊഞ്ചത്തി”
മഹേഷ്‌ പറഞ്ഞപ്പോള്‍ അജയ് തിരിഞ്ഞു നോക്കി . ചുവന്ന പട്ടു പാവാടയും , ബ്ലൌസുമിട്ടു , സ്വര്‍ണ നിറത്തിലുള്ള നൂലുകള്‍ പിടിപ്പിച്ച ഷോളും പുതച്ചു ഷാനു വരുന്നത് കണ്ടതെ അവന്‍റെ മനസ്സില്‍ കുളിര്‍കാറ്റ് വീശി
” എന്താ എന്‍റെ മൊഞ്ചത്തി കുട്ടി…എന്നെ കാണാണ്ട് ഇരിക്കത്തില്ലേ ഇപ്പൊ ?’
” പോ …ഒന്ന് ….അതിനോന്നുമല്ല ” ഷാനു ഇടം വലം നോക്കി
” പിന്നെന്താ ?”
” എനിക്കൊരു കാര്യം പറയാനുണ്ട് ”
” പറഞ്ഞോളൂ എന്‍റെ മൊഞ്ചത്തി ..”
‘ ഇവിടെ വെച്ചു വേണ്ട ”
അജയ് കൂട്ടുകാരുടെ നേര്‍ക്ക്‌ രണ്ടു മിനുറ്റ് എന്ന് ആഗ്യം കാണിച്ചിട്ട് അവളെയും കൂട്ടി കാന്റീനിലേക്ക് നടന്നു …. ആളൊഴിഞ്ഞ മൂലയിലെ കസേരയില്‍ ഇരുവശവും ഇരുന്നിട്ട് അജയ് അവളുടെ നേരെ നോക്കി …ഷാനു മുഖം കുനിച്ചിരിക്കുവാണ്…. നഖം മൊത്തം കടിച്ചു തീരാറായി
” കാപ്പി കുടിക്ക് “
കാപ്പിയും ചൂട് പഴംപൊരിയും മുന്നിലേക്ക് നീക്കി വെച്ചു അജയ് പറഞ്ഞതും
” എനിക്കൊരു അഞ്ച് ലക്ഷം തരുമോ ?” പെട്ടന്നുള്ള അവളുടെ ചോദ്യം കേട്ട് അജയ് അമ്പരന്നു
” എന്ത് ? എത്ര രൂപയാ ?”
” അഞ്ചു ലക്ഷം …ഞാന്‍ പിന്നെ തന്നോളാം …..” നഖം കടിച്ചവനെ നോക്കാതെ അവള്‍ മുട്ടുകള്‍ ഇറുക്കി പിടിച്ചു ഇടത് കാല്‍പാദം കൊണ്ട് വലതു കാല്‍ പാദത്തില്‍ ചവിട്ടി തിരുമ്മി
” എന്താ ..തനിക്കിത്ര ആവശ്യം … എന്റെല്‍ അത്രയും പൈസയൊന്നും ഇല്ല ‘
ഷാനുവിന്റെ കണ്ണുകളില്‍ നിന്നും അണക്കെട്ട് പ്രവഹിക്കാന്‍ തുടങ്ങി
‘ എടൊ …താന്‍ കരയാതെ …..ആരേലും കാണും … ”
ഷാനു മുഖം തുടച്ചിട്ടു അവനെയൊന്നു നോക്കുക പോലും ചെയ്യാതെ ഇറങ്ങിയോടി ………..
ഉച്ചക്കും ഇന്റര്‍വെല്ലിനുമൊക്കെ അവന്‍ വന്നു നോക്കിയിട്ടും ഷാനു മുഖം കൊടുത്തില്ല
ലാസ്റ്റ് അവറില്‍ മഹേഷ്‌ ദേവികയുടെ കയ്യില്‍ ഒരു കടലാസ്സ്‌ കൊടുത്തിട്ട് പോകുന്നതവള്‍ കണ്ടു ..
ദേവിക അതവള്‍ക്ക് കൊടുത്തു
” ഷാനു ….പ്ലീസ് …കാള്‍ …മീ ‘

ഷാനു …കോളേജ് വിട്ടു വീട്ടിലേക്ക് പോയപ്പോള്‍ കണ്ട ഒരു STD ബൂത്തില്‍ കയറി അവനെ വിളിച്ചു
“ഷാനു ….ഷാനു …താനാണോ ഇത് ..പ്ലീസ് …പറ ”
“മ്മ്മം ”
” എടൊ …. പൈസ ഞാന്‍ എങ്ങനേലും ഉണ്ടാക്കാം …താന്‍ സമാധാനപ്പെട് ..പക്ഷെ …ഞാന്നെന്ത് വിശ്വസിച്ചു …..”
” ഞാന്‍ …ഞാനെന്നെ തന്നെ തരാം ….മതിയോ …. എന്‍റെ ശരീരം …അത് മതിയോ അജയിന് ..പറ …എനിക്ക് പൈസ വേണം …ഞാന്‍ വെക്കുവാ ”
മുഴുവനാക്കാന്‍ സമ്മതിക്കാതെ പെട്ടന്നുള്ള വികാര വിക്ഷോഭത്തില്‍ ഷാനു പറഞ്ഞു
” ഷാനൂ….” അപ്പുറത്ത് നിന്നും ഉയര്‍ന്ന വിളി അവള്‍ കേട്ടില്ല …. ആ വിളിയില്‍ ദേഷ്യവും സങ്കടവും ഒക്കെയുണ്ടായിരുന്നു
”””””””””””””””””””””””””””””””””””””””””””””””””””’
ജമീലക്ക് അന്നും നിരാശയുടെ ദിവസമായിരുന്നു …അവള്‍ വൈകിട്ട് തിരികെ പോരുന്ന സമയം വരെ റാവുത്തര്‍ വീട്ടിലെത്തിയില്ല …ജമീലക്ക് അയാളെ വിളിക്കാനായി നമ്പറും അറിയില്ല
””””””””””””””””””””””””””””””””””””””””’
ഷാമോന്‍ അഞ്ചു മണി മുതലേ കല്യാണി ടെക്സ്റയില്‍സിന്‍റെ മുന്നില്‍ വെയിറ്റ് ചെയ്യുകയായിരുന്നു .. അഞ്ചര കഴിഞ്ഞപ്പോള്‍ താരയുടെ സ്വിഫ്റ്റ് വരുന്നത് കണ്ടു അവന്‍ അങ്ങോട്ട്‌ ചെന്നു .. ഷാമോന്‍ ഡോര്‍ തുറന്നപോള്‍ താര പുറത്തേക്കിറങ്ങി
” വാ ഷാമോന്‍ ..ഒത്തിരി നേരമായോ വന്നിട്ട് ”
” ഞാന്‍ അഞ്ചു മണിയായപ്പോഴേ വന്നു നിക്കുന്നതാ സാറെ ” അവന്‍റെ നിഷ്കളങ്കത അവളെ ചിരിപ്പിച്ചു
‘ വാ …’ ഷാമോന്‍ അവള്‍ക്ക് പുറകെ അകത്തേക്ക് കയറി
” വാ സാറെ …. ഇപ്പൊ കാണാനേ ഇല്ലല്ലോ ..”
” ഇവിടെയുണ്ട് ടെസ്സ …. മഞ്ജു കഴിഞ്ഞ ദിവസം കൂടി ബാങ്കില്‍ വന്നതാണല്ലോ …എവിടെ ദേവനും മഞ്ജുവും ?’
” മുകളില്‍ ഉണ്ട് …ഇതാരാ സാറെ ? എന്തെടുക്കാനാ വന്നെ ?”
ടെസ്സയെ മാറ്റി നിര്‍ത്തി താര എന്തോ പറഞ്ഞിട്ട് ഷാമോന്റെ അടുത്തെത്തി
” ഇവരെന്റെ ബാങ്കിന്‍റെ കസ്ടമറാ ഷാമോന്‍…. താന്‍ ടെസ്സയുടെ കൂടെ പോയി ആവശ്യത്തിനു ഡ്രെസ് എടുക്ക് …യാത്രയുള്ളതല്ലേ”
‘ സര്‍ …എനിക്ക് …”
” പൊക്കോ …ടെസ്സ എല്ലാം സെലക്റ്റ് ചെയ്തോളും …. താന്‍ സൈസ് മാത്രം നോക്കിയാല്‍ മതി ”
താര മുകളിലേക്കുള്ള ലിഫ്റ്റില്‍ കയറിയപ്പോള്‍ ഷാമോന്‍ ടെസ്സയുടെ പുറകെ നടന്നു
””””””””””””””””””””””””””””””””””””””””””
ഡിസംബര്‍ 14
””””””””””””””””””””””””””””””
‘ എന്താടി ഷാനു ..നീയിന്നു ക്ലാസ്സില്‍ പോണില്ലേ ?”
“ഇല്ലുമ്മ….തലവേദന പോലെ ”
” ന്നാ ..മോള് കിടന്നോ … പൈസയൊക്കെ ഉണ്ടാവും …ഓരോന്നോര്‍ത്ത് തല പുകക്കണ്ട … അണ്ണനെ കണ്ടെങ്ങനെയേലും പൈസ വാങ്ങണം ..അല്ലേല്‍ ഞാന്‍ പോകുന്നില്ലന്നു വെച്ചേനെ …ഉമ്മ ചോറൊക്കെ വെച്ചു കൊടുത്തിട്ട് വേഗന്നു വരാം ”
” സാരല്ല ഉമ്മാ ….. ഉമ്മാ പൊക്കോ …പതിയെ വന്നാ മതി ‘
ജമീല അവള്‍ക്ക് കാപ്പി കൊടുത്തിട്ട് റാവുത്തരുടെ വീട്ടിലേക്ക് നടന്നു .
ഉച്ച ആയപ്പോള്‍ പുറത്തൊരു ഓട്ടോ വന്നു നില്‍ക്കുന്നത് കണ്ടു ഷാനു ജനാല തുറന്നു നോക്കി …ദേവിക
” എന്താടി പോത്തെ നീ വരാത്തെ …മനുഷ്യര്‍ക്കിവിടെ സ്വൈര്യം തരില്ല … നീ ഇന്നലെ അജയോടു പിണങ്ങിയാണോ പോന്നെ ?”
” ഞാനാരോടും പിണങ്ങിയില്ല ..പിണങ്ങാന്‍ സ്നേഹം ഉണ്ടെലല്ലേ ……”
‘ എന്നാ പിന്നെ നീ തന്നെയങ്ങ് പറഞ്ഞേരെ …..ഇന്നാ സംസാരിക്ക്’
‘ ദേവിക ബാഗില്‍ നിന്ന് മൊബൈല്‍ എടുത്തു നീട്ടി .
‘ എനിക്കൊന്നും വേണ്ട ..ഞാനാരോടും സംസാരിക്കുന്നില്ല ”
” ഡി ഷാനു ..നിനക്കെന്താ പറ്റിയെ ? ദെ അവരവിടെ എന്നെ കാത്തു നില്‍ക്കുവാ …അജയ് മഹേഷേട്ടനെ നിലത്തു നിര്‍ത്തുന്നില്ല …നീ വിളിച്ചില്ലേല്‍ അവരിങ്ങോട്ട് വരും ….”
ദേവിക മഹേഷിന്റെ നമ്പര്‍ ഡയല്‍ ചെയ്തു
” ങാ …മഹേഷേട്ടാ ….അജയ് എവിടെ …ഞാന്‍ ഷാനൂന്റെ കയ്യില്‍ കൊടുക്കാം ”
ദേവിക ഫോണ്‍ അവളുടെ കയ്യില്‍ കൊടുത്തു
” ഷാനു …..ഷാനു …. ”
അവള്‍ മിണ്ടിയില്ല
” എടൊ …എന്തേലും ഒന്ന് പറ ……….”
” എനിക്ക് പൈസ തരാന്‍ പറ്റോ ?”
” ഷാനു …നീ ഒന്ന് കേള്‍ക്ക്”
” എനിക്കൊന്നും കേള്‍ക്കാനില്ല ..എനിക്ക് പൈസ വേണം ….ഇല്ലേല്‍ ….ഇല്ലേല്‍ ഞാന്‍ വേറെ വഴി നോക്കും ”
അപ്പുറത്ത് അല്‍പം നിശബ്ധത………….
” തരാം ….പക്ഷെ നീ …നീ പറഞ്ഞത് എനിക്ക് തരുമോ ?”
” എന്ത് ?”
” നിന്നെ …..നിന്നെ എനിക്ക് തരൂന്ന് പറഞ്ഞില്ലേ ?”
ഷാനു ഒന്നും മിണ്ടിയില്ല ….തലേന്ന്‍ അവളുടെ ആ സമയത്തെ വികാരത്തില്‍ പറഞ്ഞു പോയതാണ്
” അജയ് ………..”
” പറ ….എനിക്ക് വേണം ……എന്നാല്‍ ഞാന്‍ പൈസ തരാം ”
” ഞാന്‍ …ഞാന്‍ വരാം ……..”
” എവിടെ …എവിടെ വെച്ചു ?”
‘ അതൊന്നും എനിക്കറീല്ല ” ഷാനുവിന്റെ കണ്ണില്‍ നിന്ന് വെള്ളം ഒഴുകാന്‍ തുടങ്ങി …ദേവിക എന്താണെന്ന് ആഗ്യം കാണിച്ചു
“എന്നാല്‍ അടുത്ത ആഴ്ച ……”
‘ പറ്റില്ല …എനിക്ക് രണ്ട് ദിവസത്തിനുള്ളില്‍ വേണം … ഇരുപതിന് മുന്നേ ….”
‘ എന്നാല്‍ നീ പറ …എന്ന് വേണം ..എവിടെ വെച്ച്?”
ഷാനു ഒന്നാലോചിച്ചു …അപ്പോഴാണ്‌ ഇക്കാക്ക നാളെ പൈസക്ക് വേണ്ടി എങ്ങോട്ടോ പോകുന്ന കാര്യം പറഞ്ഞത് മനസിലേക്ക് വന്നത് ..
” നാളെ ….നാളെ വരാം അജയ് ….സ്ഥലമൊന്നും എനിക്കറീല്ല”
അജയ് ഒരു മിനുറ്റ് ഒന്നും മിണ്ടിയില്ല ..
” ശെരി ഷാനു …നാളെ കാലത്ത് പത്തു മണിക്ക് ……. പത്തു മണിക്ക് ബസ് സ്റ്റാന്‍ഡില്‍ വന്നെന്നെ വിളിക്കണം ..നമ്പര്‍ അറിയാല്ലോ ”
” ഹ്മ്മ്മം .”
” പക്ഷെ .. ….. രണ്ടു ദിവസം നീയെന്‍റെ കൂടെ വേണം ”
‘ അജയ് ……..” ഷാനു തേങ്ങലോടെ വിളിച്ചു
” പിന്നെ എന്താ ? അഞ്ചു ലക്ഷം എനിക്ക് മുതലാക്കണ്ടേ….. സമ്മതമാണേല്‍ ദേവിയോട് പറഞ്ഞു വിട്ടാല്‍ മതി …ശെരി നാളെ കാണാം ”
അജയ് ഫോണ്‍ വെച്ചതും ദേവിക ഷാനുവിന്റെ അടുത്തെന്താണ് കാര്യമെന്ന് ചോദിച്ചു .. ഷാനു തേങ്ങലോടെ അവളോടെല്ലാം പറഞ്ഞു
” ഛെ …അജയ് ഇത്ര ചെറ്റയാണോ ? പൈസക്ക് പകരം പെണ്ണിന്‍റെ മാനം പകരം ചോദിക്കുന്ന നാറി ”
‘ അജയ് ചെറ്റയോന്നുമല്ല ..പാവാ…ഞാമ്പറഞ്ഞിട്ടല്ലേ അജയ് സമ്മതിച്ചേ ?’
‘ നീ അന്നേരത്തെ വികാരത്തില്‍ പറഞ്ഞതാനെലും മോശമായി പോയി മോളെ … അഞ്ചു ലക്ഷം രൂപക്ക് വില്‍ക്കാനുള്ളതാണോ നിന്‍റെ ശരീരോം മാനോം ”
‘ പിന്നെവിടുന്നാടി ഇത്രേം പൈസ ഉണ്ടാക്കണേ …ഇക്കാക്കയും ഉമ്മച്ചിയും പെടാ പാട് പെടണത് ഞാന്‍ കാണുന്നതല്ലേ …..ന്‍റെ ബാപ്പച്ചിടെ ജീവന്‍റെ അത്രേമുണ്ടോ അഞ്ചു ലക്ഷം രൂപേം എന്‍റെ മാനോം ”
” ഷാനു നീ കരയല്ലേ മോളെ ……” ദേവിക അവളെ കെട്ടി പിടിച്ചു ..” ഷാനു …നീയെന്തു പറഞ്ഞു ഇവിടെന്ന്‍ ഇറങ്ങും …അതും രണ്ടു ദിവസം ….”
ഷാനു അപ്പോഴാണ്‌ ആ കാര്യം ഓര്‍ക്കുന്നത് തന്നെ
” മാത്രമല്ല ..നീ ഈ പൈസ എവിടുന്നു ? ആര് തന്നെന്നു പറയും ?”
” എനിക്കറീല്ല ദേവീ ”
ദേവിക ഒന്നാലോചിച്ചു
” വാ …നമുക്ക് നിന്റെയുമ്മ ജോലിചെയ്യുന്ന വീട്ടിലേക്ക് പോകാം …. ”
” എന്തിന്?” ഷാനു ഒന്ന് പകച്ചു
‘ മോളെ ….ഷാനു ……………..ങാ …മോളിവിടെ ഉണ്ടായിരുന്നോ ?”
ജമീല വാതില്‍ തുറന്നകത്തെക്ക് കയറിയപ്പോള്‍ ഷാനു ഒന്ന് പകച്ചു …ഉമ്മ കേട്ട് കാണുവോ വല്ലതും
” ഇപ്പൊ വന്നതേയുള്ളൂ ഉമ്മാ …ഉമ്മയെന്താ നേരത്തെ ..ഞങ്ങള് അങ്ങോട്ട്‌ വരാന്‍ ഇരിക്കുവാരുന്നു ”
” അണ്ണന്‍ ഇത് വരെ വന്നില്ല …ഇവളിവിടെ തലവേദന ആന്നും പറഞ്ഞു ഇരുന്നോണ്ട് ഞാന്‍ വന്നതാ …. ഇനീം പോകുവാ …”
” ഉമ്മാ …ഞാന്‍ നാളെ എന്‍റെ അമ്മ വീട്ടില്‍ വരെ പോകുവാ ….ഉമ്മ ഷാനുവിനെ ഒന്ന് വിടണം ”
‘ അയ്യോ മോളെ ….അത് ”
” വേറൊന്നിനുമല്ല ഉമ്മ ….ഇവളെന്നോട് അഞ്ചു ലക്ഷം രൂപാ വേണോന്നു പറഞ്ഞാരുന്നു ……ഞാന്‍ എന്‍റെ അമ്മമ്മയെ വിളിച്ചു പറഞ്ഞു ….നാളെ വരാനാ പറഞ്ഞെ ….അതോണ്ടാ ..ഒരു കൂട്ടിനു …ഞാനിത് വരെ അത്രയും ദൂരം തനിച്ചു പോയിട്ടില്ല ….വീട്ടീന്ന് ആരും വരാനുമില്ല …ശനിയാഴ്ച ആരുന്നേല്‍ അനിയനെ കൂട്ടായിരുന്നു “
‘ അതിനെന്നാ മോളെ …ഷാനു വരും ….എല്ലാം പടച്ചോന്റെ കൃപ ….മോളെ എങ്ങനേലും എത്രയും പെട്ടന്ന് തന്നെ പണം മടക്കി തരാന്ന് അമ്മമ്മയോടു പറയണേ ”
ഷാനു ദേവിയെ നന്ദിയോടെ നോക്കി .
” എന്നാല്‍ ശെരിയടി ഷാനു …നാളെ പത്തു മണിക്ക് ബസ് സ്റ്റാൻഡിൽ വന്നാല്‍ മതി ….ഇറങ്ങട്ടെയുമ്മ”
‘ മോളെ ..ചായ കുടിച്ചിട്ട് പോകാം ”
” വേണ്ടുമ്മാ…ഇവളോടീ വിവരം പറയാന്‍ വന്നതാ ….”
ദേവിക ഇറങ്ങിയപ്പോള്‍ ഷാനു കണ്ണുകള്‍ തുടച്ചു
”””””””””””””””””””””””””””””””””””””””””””””””””””””””

22660cookie-checkഅപ്പൊ ഇനി നില്‍ക്കുന്നില്ല 5

Leave a Reply

Your email address will not be published. Required fields are marked *