അനുപമ – Part 11

Posted on

“പോയി ചോറ് വെക്കട്ടെ..
എണീറ്റ് പോയെ.. പകല് അധികം ഉറങ്ങണ്ട… “എന്റെ ദേഹത്ത് നിന്നും എണീറ്റ് മുടി
വാരികെട്ടി അമ്മു കട്ടിലിൽ എണീറ്റിരുന്നു കൊണ്ട് പറഞ്ഞു.

“അതെന്താ പകല് ഒറങ്ങിയാ
പ്രശ്നം…?

മയക്കത്തിന്റെ ആലസ്യത്തിലായിരുന്ന ഞാൻ കണ്ണ് തുറക്കാതെ ചോദിച്ചു.

“പകല് ഒറങ്ങിയാ രാത്രി കണ്ണും തുറന്ന് കെടക്കും പിന്നെ എനിക്ക് സ്വസ്ഥായിട്ട്
ഒറങ്ങാൻ പറ്റൂല അതെന്നെ….

അവൾ എന്റെ കവിളിൽ കുത്തി കൊണ്ട് ദേഷ്യം നടിച്ചു..

“ഓ നമ്മളായിട്ട് ആരുടേം
വ്രതം തെറ്റിക്കാനില്ലേ…. ”

ഞാൻ കണ്ണ് തുറന്ന് പുച്ഛത്തോടെ പറഞ്ഞു

“ആ അതാ നല്ലത് അല്ലെങ്കി തടി കേടാവും !

ഭീഷണിയോ അതും എന്നോട്.. !

“ഓഹോ എന്നാ പിന്നെ അതൊന്ന് കാണട്ടെ… ”

പറയുന്നതിനോടൊപ്പം ഞാൻ അവളുടെ കൈ പിടിച്ചു തിരിച്ചു.

“ആഹ് ഞാൻ ചുമ്മാ പറഞ്ഞതാ..
വിട് വേദനിക്കുന്നു…..

അവൾ ഓവർ എക്സ്പ്രഷൻ ഇട്ട് അഭിനയിക്കാൻ തുടങ്ങി…

ഞാൻ പക്ഷെ പിടുത്തം വിട്ടില്ല ഏത് വരെ പോവും എന്ന് നോക്കണമല്ലോ

“മര്യാദക്ക് വിട്ടോ അല്ലെങ്കി തുപ്പും ഞാൻ…. “

അവൾ വായ തുറന്ന് ഭീഷണി പെടുത്തി.

“തുപ്പിക്കൊ.. ന്നാലും വിടൂല.. “

“വിടെടാ പട്ടീ, തെണ്ടീ, നാറീ.. ”

ഇപ്രാവശ്യം അവൾക്ക് ഇത്തിരി വേദനിച്ചിട്ടുണ്ടെന്ന് എനിക്ക് മനസ്സിലായി എന്നിട്ടും
ഞാൻ പിടുത്തം ഒന്നയച്ചതല്ലാതെ വിട്ടില്ല.

“മര്യാദക്ക് പറഞ്ഞാൽ വിടാം..
ജാഡയാണെങ്കിൽ കൈ ഞാൻ ഒടിക്കും…. ”

ഞാൻ കണ്ണുരുട്ടി ഭീഷണിപ്പെടുത്താൻ ശ്രമിച്ചു..

“വിടൂ പ്ലീസ്.. കൈ വേദനിക്കുന്നു…. “

അവൾ കണ്ണിൽ വെള്ളം നിറച്ചു ദയനീയമായി കെഞ്ചിയതോടെ ഞാൻ കയ്യിലെ പിടുത്തം വിട്ടു.അവൾ
മുഖം വെട്ടിച്ചു കട്ടിലിൽ നിന്ന് എണീക്കാൻ തുടങ്ങിയതും ഞാൻ കൈ പിടിച്ച് വലിച്ചു
അവളെ എന്റെ ദേഹത്തേക്ക് കിടത്തി.

“വേദനിച്ചോ..?

“നല്ലോണം വേദനിച്ചു ഇതിപ്പോ ഉണ്ണിയേട്ടനും നീയും തമ്മില് വല്യ മാറ്റം ഒന്നും
ഇല്ലല്ലോ….?

സങ്കടം കൊണ്ട് അവളുടെ കണ്ണുകൾ നിറഞ്ഞിരുന്നു

“എടീ ദുഷ്ടേ.. എന്തൊക്കെയാ പറയ്ണെ….?

അവളുടെ വാക്കുകൾ എന്നെ വല്ലാതെ വേദനിപ്പിച്ചു. പിന്നെ സ്വയം വരുത്തി വെച്ചതാണല്ലോ
എന്നോർക്കുമ്പോൾ ഒരു സമാധാനം

“കണക്കായിപ്പോയി ന്നെ വെറുതെ വേദനിപ്പിച്ചിട്ടല്ലേ.. !

പെണ്ണിന്റെ കലിപ്പ് അടങ്ങിയിട്ടില്ലാ….

“അമ്മൂ.. ചോറൊന്നും ണ്ടാക്കണ്ടേ.. വർത്താനം പറഞ്ഞിരുന്നാ മത്യോ?

വാതിലിൽ തട്ടി കൊണ്ട് അച്ഛമ്മ വിളിച്ചു ചോദിച്ചു.

“അയ്യേ.. നാണം കെടുത്തിയപ്പോ സമാധാനം ആയല്ലോ കൊരങ്ങാ.. ”

എന്റെ കവിളിൽ അമർത്തി നുള്ളി കൊണ്ട് അവൾ എണീക്കാനൊരുങ്ങി.എന്തോ അരുതാത്തത് ചെയ്ത്
പിടിക്കപ്പെട്ട ഭാവം ആയിരുന്നു അവൾക്കപ്പോൾ.

“എങ്ങോട്ടാ ഈ പോണേ.. ഇന്ന് ചോറ് വെക്കണ്ടാ…. ”

അവളെ തടഞ്ഞു കൊണ്ട് ഞാൻ
പറഞ്ഞു..

“പിന്നെ രാത്രി മണ്ണ് വാരി തിന്നുവോ.. കൊഞ്ചാതെ മാറ് ചെക്കാ..”.

അവളെന്റെ കുസൃതി ആസ്വദിക്കാനുള്ള മൂഡിലായിരുന്നില്ല

“നമുക്ക് എന്തേലും പുറത്ത്ന്ന് വാങ്ങാടീ… എനിക്കെന്റെ കുഞ്ഞൂനെ കെട്ടിപിടിച്ചു
മതിയായില്ല.. പ്ലീസ്.. ”

“ഇതെന്ത് ഭ്രാന്താ പൊന്നൂസേ
ഇങ്ങനെ ആണെങ്കിൽ എന്നെ ജോലിക്ക് പോവാനൊന്നും സമ്മതിക്കൂലേ…?

അവൾ കുറുമ്പൊടെ ഉണ്ടക്കണ്ണുരുട്ടി ഇടുപ്പിൽ കൈ കുത്തി എന്നെ നോക്കി.

“അതൊക്കെ എനിക്ക് തോന്നിയ പോലെ ചെയ്യും. നീ ഇവിടെ ഇരുന്നേ കുഞ്ഞൂ…. ”

ഞാൻ ശാഠ്യം പിടിച്ചു കൊണ്ട് അവളെ വരിഞ്ഞു മുറുക്കാൻ തുടങ്ങി..

“മോശാട്ടോ.. അമ്മ പുറത്തു നിക്ക്ണ്ട്…..”
എന്റെ കുറുമ്പനല്ലേ ഒന്ന് വിടെടാ ഞാൻ വാതില് തുറക്കട്ടെ… ”

അവൾ എന്റെ മുഖത്ത് തഴുകി കൊണ്ട് എന്നെ ആശ്വസിപ്പിച്ചു.ബോണസായിട്ട് ഒരുമ്മയും
കിട്ടി.

“എന്നാ അച്ഛമ്മയോട് ഇങ്ങോട്ട് വരാൻ പറ.. ചോറൊന്നും വെക്കണ്ട സംസാരിച്ചിരിക്കാം.. ”

പിടി വിട്ടുകൊണ്ട് ഞാൻ പറഞ്ഞതും അവൾ ഓടിപ്പോയി
വാതിൽ തുറന്നു. അവൾ അകത്തേക്ക് ക്ഷണിച്ചതും അച്ഛമ്മ ഒന്ന് മടിച്ചു പക്ഷെ
നിർബന്ധിച്ചപ്പോൾ കൂടെ വന്ന്
കട്ടിലിൽ ഇരുന്നു.പിന്നെ ചിരിയോടെ എന്നെ നോക്കി..

“ഇവന് ഇവന്റെ അച്ഛച്ചന്റെ സ്വഭാവം അതെ പോലെ കിട്ടീട്ട്ണ്ട്.
ഏത് നേരോം എന്നെ കെട്ടിപിടിച്ചിരിക്കാനായിരുന്നു മൂപ്പർക്ക് കമ്പം.. ”

അത് പറഞ്ഞപ്പോൾ അച്ഛമ്മ പഴയ പതിനാറുകാരിയിലേക്ക് പുനഃപ്രവേശം നടത്തിയത് പോലെ തോന്നി
എനിക്ക്.ആ മുഖത്തെ ചുളിവുകൾ പോലും മായ്ച്ചു കൊണ്ട് വല്ലാത്തൊരു നാണം അച്ഛമ്മയുടെ
മുഖത്ത് വിരിഞ്ഞു.

“എടീ നിനക്ക് അച്ഛമ്മയുടെ പ്രണയകഥ അറിയോ..

അച്ഛമ്മയെ കൗതുകത്തോടെ നോക്കിയിരിക്കുന്ന അമ്മുവിനെ തോണ്ടി കൊണ്ട് ഞാൻ ചിരിയോടെ
ചോദിച്ചു.

“ഇല്ലാ……പറഞ്ഞെ കേൾക്കട്ടെ.!

അമ്മു ഉഷാറായി.ക്രാസിയിൽ ചാരി ഇരിക്കുന്ന അച്ഛമ്മയുടെ മടിയിലേക്ക് തലവെച്ച് അവൾ
മലർന്ന് കിടന്നു പിന്നെ കാൽ എടുത്ത് നേരെ എന്റെ മടിയിലേക്കു വെച്ചുകൊണ്ട് അവൾ കഥ
കേൾക്കാൻ തയ്യാറായി.കാല് കയറ്റി വെച്ചത് ഇഷ്ടപ്പെട്ടില്ലേ എന്ന് അവൾ എന്നെ പാളി
നോക്കുന്നുണ്ടായിരുന്നു. എന്റെ പുഞ്ചിരി കണ്ടതോടെ അവൾക്ക് സമാധാനം ആയി.

“അങ്ങോട്ട് പറഞ്ഞു കൊടുക്ക് ലക്ഷ്മി കുട്ടീ…. എന്താ പെണ്ണിന്റെ ഒരു നാണം.. ”

ഞാൻ ചിരിയോടെ അച്ഛമ്മയെ പ്രോത്സാഹിപ്പിച്ചു..

“ഒന്നങ്ങട്ട് തരും ഞാൻ ചെക്കാ..
നല്ലോണം കര്തിക്കോ.. ”

എനിക്ക് നേരെ കൃത്രിമ ദേഷ്യത്തോടെ കയ്യോങ്ങി കൊണ്ട് അച്ഛമ്മ കഥ പറയാൻ തുടങ്ങി.

അത് ഞാൻ നിങ്ങളോട് പറയാം..

അച്ഛച്ചന്റെ ഭാര്യയുടെ ചേച്ചി ആയിരുന്നു ഈ ലക്ഷ്മി കുട്ടി.അച്ഛമ്മയുടെ കല്യാണവും
ആദ്യം കഴിഞ്ഞതാണ് ഒരു പട്ടാളക്കാരനുമായി.അച്ഛമ്മയുടെ ചേച്ചി ഒരു നിത്യ രോഗി
ആയിരുന്നു.ഒരു പെൺകുഞ്ഞിനെ അച്ഛച്ചനു സമ്മാനിച്ചു അധികം വൈകാതെ അവര് മരിച്ചു. ആ
പെണ്കുഞ്ഞാണ് അന്ന് വന്ന വല്യമ്മ.പ്രസവത്തോടെ മരിച്ച ചേച്ചിയുടെ മകളെ വളർത്താനുള്ള
നിയോഗം പിന്നെ അച്ഛമ്മക്കായിരുന്നു. ഒരമ്മയുടെ മുഴുവൻ വാത്സല്യത്തോടെയും ലക്ഷ്മി
കുട്ടി ആ കുഞ്ഞിനെ വളർത്തി. ആയിടക്കാണ് സഹ പ്രവർത്തകനായ ഏതോ ഒരു സിഖ് കാരന്റെ
കുത്തേറ്റു അച്ഛമ്മയുടെ ആദ്യം ഭർത്താവ് മരണപ്പെടുന്നത്.അതോടെ തുല്യ ദുഖിതരായ
അച്ഛച്ചനും ലക്ഷ്മികുട്ടിയും തമ്മിൽ കൂടുതൽ അടുത്തു. അതിന് ആ കുട്ടി ഒരു കാരണമായി
എന്ന് മാത്രം. സംഗതി പോസിറ്റീവ് ആണെന്ന് മനസ്സിലായ അച്ഛച്ചൻ ഒരു രാത്രി
അച്ഛമ്മയെയും കുഞ്ഞിനേയും പൊക്കി ഇങ്ങ് പോന്നു. പിന്നെ അവർ തമ്മിൽ കല്യാണം
കഴിച്ചുണ്ടായതാണ് എന്റെ അച്ഛനും കുണ്ടനും അടക്കമുള്ള സന്തതികൾ. കല്യാണം കഴിയുന്ന
സമയത്ത് അച്ഛച്ചന് മുപ്പത്തിയൊന്നും അച്ഛമ്മക്ക് ഇരുപത്തിയെട്ടും വയസായിരുന്നു
പ്രായം.

“മരിക്ക്ണ വരെ ഇന്നെപറ്റി ഒരു കുറ്റം പോലും പറഞ്ഞ് ഞാൻ കേട്ടിട്ടില്ല..,
ജീവനായിരുന്നു മൂപ്പര്ക്ക്.. ”

ദീർഘനിശ്വാസത്തോടെ അച്ഛമ്മ പറഞ്ഞു നിർത്തി.

“ഇവിടെ കല്യാണം കഴിഞ്ഞില്ല അപ്പോഴേക്കും എന്റെ കണ്ണീര് വറ്റി.”

അമ്മു എന്നെ ഒന്ന് ആക്കികൊണ്ട് ചിരിയോടെ പറഞ്ഞു.അച്ഛമ്മയും ആ ചിരിയിൽ പങ്കാളിയായി.

“ഓ ഇതിന് മുന്നേ നീ എന്നും ചിരിക്കായിരുന്നല്ലോ..”

അവളുടെ കളിയാക്കൽ എനിക്കിഷ്ടപെട്ടില്ല. പക്ഷെ ഞാൻ വിചാരിച്ചത്
പോലെയല്ല അവൾ അതെടുത്തത് എന്ന് ആ മുഖം കണ്ടപ്പോൾ എനിക്ക്
മനസ്സിലായി.വേണ്ടായിരുന്നു..

“ഇനി അതൊന്നും ഓര്മിപ്പിക്കണ്ട ചെക്കാ….”

അച്ഛമ്മ എന്നെ വിലക്കി.

“ഏയ്‌ എന്റെ കുട്ടിക്ക് അതൊന്നും പ്രശ്നല്ല അച്ഛമ്മാ..
ഞാൻ തമാശ പറഞ്ഞതല്ലേ.. ”

എന്റെ മടിയിൽ കിടക്കുന്ന അമ്മുവിന്റെ കാൽപ്പാദം പിടിച്ചുയർത്തി ഉമ്മവെച്ചു കൊണ്ടാണ്
ഞാനത് പറഞ്ഞത്.ഉമ്മവെച്ചു കഴിഞ്ഞപ്പോൾ ആണ് അച്ഛമ്മ തൊട്ടടുത്തിരിക്കുന്നത്
എനിക്കോർമ്മ വന്നത്.

“ശ്ശേ.. പരിസരബോധംന്ന് പറയണ സാധനം ഇല്ല നാണോം മാനോം ഇല്ലാത്തവൻ.. !

എന്റെ പ്രവർത്തിയിൽ ചൂളിപ്പോയ പെണ്ണ് എന്റെ നേരെ പല്ലുറുമ്മി
അച്ഛമ്മ അത് കണ്ട് ചിരിച്ചതെ ഒള്ളൂ..

“തനി പൊട്ടനാ അമ്മാ എന്താ പറയണേ ചെയ്യണേന്ന് ഒരു ബോധം ഇല്ല.”

അവൾ എന്നെ കുറ്റപ്പെടുത്താൻ തുടങ്ങി.

“ന്നാലും ഓനെപ്പോലെ സ്നേഹിക്ക്ണ ഒരുത്തനെ കിട്ടണെങ്കിൽ ഭാഗ്യം ചെയ്യണം പെണ്ണെ…..

അപ്രതീക്ഷിതമായി അച്ഛമ്മ എന്റെ പക്ഷം പിടിച്ചു..

“അങ്ങനെ അങ്ങോട്ട് പറഞ്ഞു കൊടുക്ക് ലക്ഷ്മി കുട്ടീ.. പോത്തിന് ബോധം വരട്ടെ…

എന്റെ ഡയലോഗ്മാഡത്തിന് തീരെ ഇഷ്ടപ്പെട്ടിട്ടില്ല. എന്നെ നോക്കി കൊഞ്ഞനം കുത്തുവാണ്.

“ഇങ്ങളെ കൊത്തികടിക്കല് കണ്ട് നിന്നിട്ട് കാര്യല്ല… ഞാൻ പോയി ന്റെ പണി ഒര്ക്കട്ടെ….

ചെല്ലി പറഞ്ഞു കൊണ്ട് അച്ഛമ്മ എണീറ്റു പുറത്തേക്ക് പോയതോടെ ഞങ്ങൾ മാത്രമായി.

അതോടെ അവൾ എന്നെ വന്ന് തൊട്ടുരുമ്മാനും എന്റെ വിയർപ്പ് മണം ആസ്വദിക്കാനും തുടങ്ങി..

“ബ്രോസ്റ്റ് വാങ്ങി തരോ…?

എന്റെ കാതിൽ ഒരു മർമ്മരം കേട്ടു

“ഇല്ലാ…..”

“പ്ലീസ് ഞാനിത് വരെ തിന്നിട്ടില്ല..
ഒന്ന് ടേസ്റ്റ് അറിയാനാ…”

“പോടീ കൊതിച്ചിപ്പാറു.
വേണെങ്കിൽ അത് പറ കള്ളം പറയാൻ നിക്കണ്ടാ.. ”

അവളെ പിടിച്ചു മടിയിൽ ഇരുത്തി കൊണ്ട് ഞാൻ പറഞ്ഞു.

“പൊന്നൂസാണ് സത്യം ഞാനിത് വരെ തിന്നിട്ടില്ലാന്നെ.”

എൻറെ കഴുത്തിലൂടെ കയ്യിട്ട് ലോക്കാക്കികൊണ്ട് അവൾ അമർന്നിരുന്നു.

“പിന്നെന്താ ഇത്ര നാളും പറയാഞ്ഞേ..?

“അത് കളിയാക്കിയാലോന്ന് പേടിച്ചിട്ടാ….”

“അപ്പൊ ഇപ്പൊ പറഞ്ഞതോ..?

“അതോ ഇന്നലെ എന്റെ കൂടെ പഠിച്ച വർഷ ബ്രോസ്റ്റ് കഴിക്കുന്നത് സ്റ്റാറ്റസ്
ഇട്ടിരുന്നു. അത് കണ്ടപ്പോ കൊതിയായതാ..”

അത് പറഞ്ഞപ്പോൾ അവൾക്ക് നല്ല ചമ്മൽ ഉണ്ടായിരുന്നു.

“വേറെ വല്ലതും വേണോ..?

അവളുടെ മൂക്കിൻ തുമ്പിൽ പിടിച്ചു വലിച്ചു കൊണ്ട് ഞാനത് ചോദിച്ചപ്പോൾ അവൾ അതിശയോക്തി
കലർത്തി എരിവലിച്ചു.

“പിന്നെ പൊരിച്ച കോഴി ഇല്ലേ അതും വേണം ”

അൽഫാമോ..?

“ആ അത് തന്നെ…
പേര് ഞാൻ മറന്ന് പോയതാ.. ”

“പൈസ ണ്ടെങ്കി മതി ട്ടോ..
അല്ലെങ്കി പിന്നെയാക്കാം.. ”

എന്റെ എക്സ്പ്രഷൻ കണ്ടപ്പോൾ അവൾക്കൊരു സംശയം പോലെ..

“ഈ കുംഭ നിറക്കാനുള്ള പൈസ ഒക്കെ ന്റെ കയ്യിലുണ്ട്..പാറൂ.. ”

അത് കേട്ടപ്പോൾ പെണ്ണ് പാൽപ്പല്ലുകൾ കാട്ടി

“പൊക്കിളിൽ തൊടരുത്.. !

ഞാൻ ചിരിയോടെ പറഞ്ഞ് അവളുടെ വയറിലൂടെ കൈ ഓടിച്ചതും അവൾ തടഞ്ഞു

“തൊട്ടാൽ…?

“തൊട്ടാൽ… തൊട്ടാൽ കെട്ട് പൊട്ടും അതെന്നെ…. ”

എന്റെ കൈ പിടിച്ചു മാറ്റിക്കൊണ്ട് അവൾ നാണത്തോടെ പറഞ്ഞു കൊണ്ട് എന്നെ
മുറുക്കിയണച്ചു..

” തരിക്കുന്നു….. ”

എന്നെ മുറുക്കി കെട്ടി പിടിക്കുന്നതിനിടെ അമ്മു പറഞ്ഞു.

“അതിനും മാത്രം ഒന്നും ണ്ടായില്ലല്ലോ പെണ്ണെ ….”

കള്ളച്ചിരിയോടെ ഞാൻ മറുചോദ്യം ഉന്നയിച്ചു..

“അതല്ല പൊട്ടാ ഫോൺ തരിക്കുന്നു.. ആരാന്ന് നോക്ക്..”

അവൾ എന്റെ പോക്കറ്റിൽ നിന്ന് ഫോണെടുത്ത്‌ എന്റെ നേരെ നീട്ടി വീണ്ടും എന്നെ പഴയപോലെ
കെട്ടിപിടിച്ചു.

ലച്ചുവാണല്ലോ….

“എന്താ ലച്ചൂ..?

എന്തെങ്കിലും കാര്യമില്ലാതെ വിളിക്കുന്ന പതിവില്ലാത്തതിനാൽ തടിച്ചിയുടെ കോൾ
കാണുമ്പോ ടെൻഷൻ ആണ്..

“പെണ്ണുണ്ടോ നിന്റെ അടുത്ത് ..?

“ആ…. “

അടുത്തില്ല മടിയിലാണ് എന്ന് പറയണം എന്നുണ്ടായിരുന്നെങ്കിലും മിണ്ടിയില്ല..

“എന്നാ അവിടുന്ന് മാറി നിക്ക്.. ”

ഗൗരവത്തിൽ തന്നെയാണ് അമ്മക്കുട്ടിയുടെ സംസാരം.

ഞാൻ അവളെ എഴുന്നേൽപ്പിച്ചു കട്ടിലിൽ ഇരുത്തി റൂമിൽ നിന്ന് പുറത്തേക്ക് പോന്നു.

“എന്താ അമ്മാ…. “

ലച്ചുവിന്റെ ബിൽഡ് അപ്പ് കണ്ട് എനിക്ക് ചെറുതായി ടെൻഷൻ ആവുന്നുണ്ടായിരുന്നു.

“ഒന്നൂല്ല നിന്റെ പിതാശ്രീ മറ്റന്നാൾ ഇവിടെ ലാൻഡ് ചെയ്യും.എന്നെ ഇപ്പൊ
വിളിച്ചിരുന്നു…”

“ആ വരട്ടെ… ”

ഞാൻ നിസ്സംഗമായി മറുപടി നൽകി.

“മൂപ്പര് ഉണ്ണിയെ വിളിച്ച് എല്ലാം ഒറ്റികൊടുത്തിട്ടുണ്ട്. അവനോടും നാട്ടിലേക്ക്
വരാൻ പറഞ്ഞിട്ടുണ്ട് എന്ന് പറഞ്ഞു.. ”

“ആ എല്ലാരും വരട്ടെ അല്ലെങ്കിലും ഈ നാടകം അവസാനിപ്പിക്കാൻ സമയമായി.”

അപ്പോഴേക്കും അമ്മു ഉമ്മറത്തു വന്ന് ചെവി കൂർപ്പിക്കാൻ തുടങ്ങിയിരുന്നു.

“പിന്നെ വേറൊരു കാര്യം നാളത്തെ ദിവസത്തിന് ഒരു പ്രത്യേകത ണ്ട്..”
എന്താന്നറിയോ?

തടിച്ചി ആകാംഷയോടെ ചോദിച്ചു.

“ഇല്ലാ.. ഇതെന്താ ക്വിസ് ആണോ ലച്ചൂസെ?

“എടാ പൊട്ടാ നാളെ പെണ്ണിന്റെ പിറന്നാളാണ്.”

“ആഹാ എന്താ ടൈമിംഗ്.. ”

എന്റെ ആത്മഗതം ഇത്തിരി ഉച്ചത്തിലായി പോയി

“ഒരു കാര്യം ചെയ്യാം നാളെ അവളേം കൂട്ടി അവള്ടെ വീട് വരെ ഒന്ന് പോവാ. പിറന്നാൾ
അവിടുന്ന് ആഘോഷിച്ച് അവളെ അവിടെ നിർത്തി പോരാം.ഈ കോലാഹലങ്ങൾ ഒക്കെ അവസാനിച്ചിട്ട്
തിരികെ കൊണ്ട് വരാം.. ”

ലച്ചു മുൻകൂട്ടി പ്ലാൻ തയ്യാറാക്കിയിട്ടുണ്ട്..

“ഡൺ.. 👍”

അമ്മു പിന്നിൽ നിൽക്കുന്നത് കൊണ്ട് എനിക്കധികം സംസാരിക്കാൻ
പറ്റുമായിരുന്നില്ല.പറഞ്ഞതിനൊക്കെ മൂളിക്കൊണ്ട് ഞാൻ ഫോൺ വെച്ചു.

“എന്തിനാ അമ്മ വിളിച്ചേ..?

ഞാൻ ഉമ്മറത്തേക്ക് കയറിയതും അമ്മു തിരക്കി.

“നാളെ നിന്റെ വീട് വരെ ഒന്ന് പോവാന്ന്. അമ്മക്ക് നിന്റെ വീട്ടുകാരെ ഒക്കെ ഒന്ന്
കാണണം എന്ന് പറഞ്ഞു ”

ഞാനവളുടെ തോളിലൂടെ കയ്യിട്ട് അകത്തക്ക് നടക്കുന്നതിനിടെ പറഞ്ഞു.

“അയ്യോ എന്നാ ഇപ്പൊ തന്നെ വിളിച്ചു പറയട്ടെ.. ഒക്കെ അലങ്കോലമായി കിടക്കാവും അമ്മ
വരുമ്പോ വൃത്തിയില്ലാതെ കണ്ടാൽ മോശല്ലേ… ”

“പിന്നേ മഹാറാണിയുടെ എഴുന്നള്ളത്തല്ലേ….?
ഒന്ന് പോയെടി… ”

“അങ്ങനെ അല്ല ന്നാലും ഒന്ന് വൃത്തിയാക്കി ഇടാലോ !
കണ്ടാൽ കയറി ഇരിക്കാനെങ്കിലും തോന്നണ്ടേ?

“അതൊക്കെ തോന്നിക്കോളും
നീ ബേജാറാവണ്ട.. ”

ഞാൻ അവളെ ആശ്വസിപ്പിക്കാൻ നോക്കിയെങ്കിലും അവൾ അപ്പോഴേക്കും വിളി കഴിഞ്ഞിരുന്നു.AEO
യുടെ ഇൻസ്‌പെഷന്റെ തലേന്ന് സ്കൂൾ മാഷുമാർക്ക് ഉണ്ടാവുന്ന അതെ ടെൻഷൻ ആയിരുന്നു
അവൾക്ക്.ഒന്നോരോന്ന് ഓർമിച്ചു പറഞ്ഞ് അവൾ നിർദേശങ്ങൾ നൽകി കൊണ്ടിരുന്നു. എല്ലാം
മൂളികേട്ട് കൊണ്ട് അവളുടെ അമ്മ ഫോൺ വെച്ചു.അവളെ ചുറ്റി പറ്റി നടന്ന് സമയം കളഞ്ഞു.
ഏകദേശം എട്ടു മണി ആയപ്പോൾ ഞാൻ ഫുഡ്‌ വാങ്ങിക്കാൻ പുറത്തേക്ക് പോയി.ഓർഡർ
ചെയ്തതെല്ലാം പാർസൽ വാങ്ങി തിരിച്ചെത്തി.വരുന്ന വഴിക്ക് വഴിയിൽ വെച്ച് കൂടെ പഠിച്ച
പലരെയും കണ്ടെങ്കിലും ഞാൻ കാണാത്ത ഭാവം നടിച്ചു.അത് വേറൊന്നും കൊണ്ടല്ല അവള് കൂടെ
ഇല്ലാതെ എനിക്കിപ്പോ ഒരിടത്തും ഒരു സമാധാനവും ഇല്ലാ.ആകെ ഒരു ടെൻഷനും വെപ്രാളവും
ആണ്.ഒരു ലക്ഷണമൊത്ത പെൺകോന്തനായി ഞാൻ മാറിക്കൊണ്ടിരിക്കുകയാണെന്ന ദുഃഖ സത്യം
എനിക്ക് മനസ്സിലാവാഞ്ഞിട്ടല്ല. പക്ഷെ എന്റെ ജീവിതത്തിൽ ആ രണ്ട് പെണ്ണുങ്ങൾ കഴിഞ്ഞേ
ഒള്ളൂ മറ്റാരും. അവരെ ഒട്ടി നടന്നുണ്ടാവുന്ന ചീത്തപ്പേര് ഞാനങ്‌ സഹിക്കും. അല്ല
പിന്നെ !

തറവാട്ടിൽ എത്തിയപ്പോൾ ഉമ്മറത്തു ലൈറ്റുണ്ട് പക്ഷെ ആരും ഇല്ലാ.ഞാൻ വന്നത് മാഡം
അറിഞ്ഞിട്ടില്ല അല്ലെങ്കിൽ പാല്പല്ലും കാട്ടി ഉമ്മറത്തുണ്ടായേനെ !

ടി വിയിൽ നിന്ന് കമൽ ഹാസന്റെ വിശ്വരൂപം സിനിമയിലെ ഉന്നൈ കാണാത നാൻ ഇൻട്രു നാനില്ലയെ
എന്ന മനോഹരമായ ഗാനം ഉയർന്നു കേൾക്കുന്നുണ്ട്. അകത്തു നിന്ന് കൊലുസിന്റെ താളാത്മകമായ
ശബ്ദവും . പാതി ചാരിയ ഉമ്മറവാതിൽ പതിയെ തള്ളി തുറക്കുമ്പോൾ പെണ്ണ് തകർത്ത്

കളിക്കുകയാണ്.അതി മനോഹരമായ നടനം. സാധാരണ തടിയനങ്ങി കളിക്കാത്ത ക്ലാസിക്കൽ നൃത്തം
കാണാൻ വല്യ താല്പര്യം ഇല്ലാത്ത ഞാൻ വായും പൊളിച് നോക്കി നിന്ന് പോയി.പക്ഷെ ആ
ഒളിഞ്ഞു നോട്ടത്തിന് അധികം ആയുസുണ്ടായിരുന്നില്ല. പാട്ടിനൊത്ത്‌ കളിച് തിരിഞ്ഞ അവൾ
കണ്ടത് വാതിൽക്കൽ നിന്ന് സീൻ പിടിക്കുന്ന എന്നെ ആണ്.പിടിക്കപ്പെട്ട ജാള്യതയിൽ അവൾ
ഡാൻസ് നിർത്തി മുഖം വെട്ടിച്ചു നിന്നു . ഞാൻ അവളെ മൈൻഡ് ചെയ്യാതെ കടന്ന് പോയി ഫുഡ്‌
ഡൈനിങ്ങ് ടേബിളിൽ കൊണ്ട് പോയി വെച്ചു തിരിച്ചു പോന്ന് ഉമ്മറത്തു കസേരയിൽ
വന്നിരുന്നു.അധികം താമസിച്ചില്ല നർത്തകി കുണുങ്ങി കുണുങ്ങി വന്ന് എന്റെ അടുത്ത്
കസേര വലിച്ചിട്ടിരുന്നു.

“എങ്ങനെ ഉണ്ടായിരുന്നു..?

“എന്ത്…?

“ഞാൻ കളിച്ചത്…. ”

അത് ചോദിക്കുന്നതോടൊപ്പം അവൾ എന്റെ അടുത്തേക്ക് നീങ്ങി ഷർട്ടിന്റെ കുടുക്കിൽ
പിടിച്ചു വലിക്കാൻ തുടങ്ങിയിരുന്നു.

“ഉള്ളത് പറയാല്ലോ പത്തു പൈസക്കില്ല..”

ഞാൻ തീർത്തും അവജ്ഞയോടെ പറഞ്ഞു കൊണ്ട് അവളെ നോക്കി..

“ങ്‌ഹും.. പൊന്നൂസേ…. ”

അവൾ അതിഷ്ടപ്പെടാതെ ചിണുങ്ങാൻ തുടങ്ങി.

“ചുമ്മാ കൊഞ്ചാതെ
കാര്യം പറ പെണ്ണെ.. ”

ദേഷ്യം അഭിനയിക്കാൻ അല്ലെങ്കിലും എനിക്ക്
പ്രത്യേക പാടവമുണ്ട്.

“ശരിക്കും കൊള്ളൂലെ..?

“കൊള്ളൂലാന്ന് പറയാൻ പോലും കൊള്ളൂല, അത്രക്ക് ബോറാണ് ”

മുഖത്ത് പരമാവധി പുച്ഛം വരുത്തിക്കൊണ്ട് ഞാൻ മറുപടി നൽകി.

“പോടാ കോന്താ… അന്ന് ഞാൻ കളിച്ചു തരാത്തതിന്റെ കുശുമ്പല്ലേ.. എനിക്കറിയാ.”

പെണ്ണിന് ദേഷ്യം വന്ന് തുടങ്ങിയിരുന്നു.

“അന്ന് കാണാഞ്ഞത് നന്നായി. ഇത്ര ഊള ഡാൻസ് ആണെന്ന് ഞാൻ വിചാരിച്ചോ.. പത്തു പതിനാറു
കൊല്ലം കൊണ്ട് നീ ഇതാണോ പഠിച്ചേ.?
അമ്പലപ്പറമ്പിൽ പിള്ളേര് ഇതിലേറെ നന്നായിട്ട് കളിക്കും
ത്ഫൂ… ”

എന്റെ മറുപടി കേട്ടതും കണ്ണിൽ വെള്ളം നിറച്ചു കൊണ്ട് എന്നെ ഒരു നോട്ടം നോക്കി അവൾ
എണീറ്റ് അകത്തേക്ക് പോയി.

“പഴയ വീടാ ചവിട്ടി പൊളിക്കണ്ട ”

ദേഷ്യം പിടിപ്പിക്കാനായി ഞാൻ പിറകിൽ നിന്ന് വിളിച്ച് പറഞ്ഞു.
ദേഷ്യം വന്ന അമ്മുവിന്റെ മുഖത്തിന്‌ ഒരു പ്രത്യേക ഭംഗിയാണ്.എനിക്കാണെങ്കിൽ അത്
കാണുന്നത് വല്യ ഇഷ്ടവുമാണ്.

ഭക്ഷണം കഴിക്കുന്ന സമയത്ത് വല്യ മൈൻഡ് ഉണ്ടായില്ല. എന്നോടുള്ള ദേഷ്യംകൊണ്ടാണോ
എന്നറിയൂല പതിവിലും കൂടുതൽകഴിക്കുന്നുണ്ട് അവസാനം എന്റെ പ്ലേറ്റിൽ
അവശേഷിച്ചിരുന്നതും കൂടെ അനുവാദം ചോദിക്കാതെ അവൾ അടിച്ചു മാറ്റി.ഞാൻ ഉള്ളിൽ
ചിരിച്ചു കൊണ്ട് അവളുടെ കുറുമ്പ് ആസ്വദിച്ചുകൊണ്ടിരുന്നു
കൊടുത്തു.

“നാളെ എന്റെ ബർത്ത്ഡേ ആണ്.. ”

ഉമ്മറത്തു നിലാവും നോക്കി ഇരിക്കുമ്പോൾ അവൾ എന്നെ നോക്കാതെ പറഞ്ഞു.

“അയിന്?..

“ഗിഫ്റ്റ് ഒന്നും തരുന്നില്ലേ?

അവൾ അവിശ്വസനീയതയോടെ എന്നെ നോക്കി.

“ആ ബെസ്റ്റ്, അല്ലെങ്കിലേ ആകെ ടൈറ്റാണ് പത്തു പൈസ കയ്യിൽ ഇല്ലാ.. ”

“അതിന് വല്യ ഗിഫ്റ്റൊന്നും വേണ്ട, ഒരു മുട്ടായി കിട്ടിയാലും മതി. ”

അവൾക്കപ്പോഴും പ്രതീക്ഷ അവശേഷിച്ചിരുന്നു

“പറയണ്ടേ ബാലന്സില്ലാത്തോണ്ട് കടയിൽ നിന്ന് തന്ന ഏലാദി മുട്ടായി ഉണ്ട്. ന്നാ
തിന്നോ.. ”

ഞാൻ പോക്കറ്റിൽ നിന്ന് മുട്ടായി എടുത്ത് അവൾക്ക് നേരെ നീട്ടി.

“അച്ഛന് കൊണ്ട് കൊടുക്ക്.. !

ദേഷ്യത്തോടെ പറഞ്ഞു കൊണ്ട് അവൾ കസേരയിൽ നിന്ന് എണീറ്റു

“കൊറേ ആയി ഞാനിത് സഹിക്കുന്നു, ഇനി എന്റെ തന്തക്ക് പറഞ്ഞ മോന്ത ഞാൻ അടിച്ചു
പൊളിക്കും. ”

അവളിരുന്ന കസേര മുറ്റത്തേക്ക് ചവിട്ടി തെറിപ്പിച്ചു കൊണ്ട് ഞാൻ കൈ ചൂണ്ടി അലറി.അവൾ
എന്റെ പ്രകടനം കണ്ട് അന്തം വിട്ട് നിക്കുകയാണ്.പിന്നെ ഒന്നും മിണ്ടാതെ റൂമിലേക്ക്
പോയി.
തമാശ അതിരു വിട്ടെന്ന് മനസ്സിലായ ഞാൻ അവളുടെ പിന്നാലെ ചെന്നു. കട്ടിലിൽ കമിഴ്ന്നു
കിടന്ന് കരയുകയാണ്.

ഈ തൊട്ടാവാടിയെ കൊണ്ട് തോറ്റല്ലോ ഈശ്വരാ..

അവളുടെ അടുത്ത് ചരിഞ്ഞു കിടന്ന് ആ നീണ്ട മുടിയിഴകൾക്കു മീതെ തലോടി.

“എന്നെ തൊടണ്ട !

അവൾ നീങ്ങി കിടന്നു കൊണ്ട് പറഞ്ഞു

“ഞാൻ തമാശക്ക് പറഞ്ഞതാ കുശുമ്പി പാറൂ.. ”

എനിക്കപ്പോഴും ചിരിയാണ്.

“തമാശക്കൊന്നും അല്ല എനിക്കറിയാം.. ”

അവൾ വിതുമ്പുന്നതിനിടെ പറഞ്ഞു.

“എന്തറിയാന്ന്.. എന്റെ ലച്ചു ആണ് സത്യം. സൗകര്യമുണ്ടെങ്കി വിശ്വസിക്ക്. ”

അതോടെ പെണ്ണ് കരച്ചിൽ നിർത്തി തല വശത്തേക്ക് ചെരിച്ച് എന്നെ തന്നെ നോക്കി
കിടക്കുന്നതിനിടെ അവൾ അടുത്ത ചോദ്യം ഉന്നയിച്ചു.

“ശരിക്കും എന്നെ മടുത്തു തുടങ്ങിയോ പൊന്നൂസെ?

“ആ മടുത്തു എന്തെ?.

ആ കൊണച്ച ചോദ്യം എനിക്കിഷ്ടപെട്ടില്ല

“അല്ല എനിക്ക് തോന്നി.ഇപ്പൊ വെറുതെ ദേഷ്യപ്പെടാൻ തുടങ്ങീട്ട്ണ്ട്.ഒന്നും
വേണ്ടായിരുന്നു എന്ന് തോന്നുന്നുണ്ടോ അതോ ശരീരത്തിൽ തൊടാൻ സമ്മതിക്കാത്തതിന്റെ
ദേഷ്യം ആണോ?

“ശരീരം കിട്ടാഞ്ഞാൽ എന്റെ സ്നേഹം കുറയും ല്ലേ..
എന്നോട് തന്നെ ഇതൊക്കെ പറയണം ട്ടോ..”

വിഷമത്തോടെ പറഞ്ഞു കൊണ്ട് ഞാൻ തിരിഞ്ഞു കിടന്നു.അങ്ങനെ ഉറങ്ങിപ്പോയി.മൂത്രശങ്ക
തോന്നി എണീറ്റപ്പോൾ സമയം ഒരു മണി ആയിട്ടുണ്ട്.
അമ്മു നല്ല ഉറക്കത്തിൽ ആണ്. കമിഴ്ന്നു കിടന്ന് കാല് രണ്ടും വിടർത്തി ചന്തി
കൂർപ്പിച്ച് വെച്ച് കുഞ്ഞുങ്ങൾ ഉറങ്ങുന്ന പോലെയാണ് പെണ്ണ് ഉറങ്ങുന്നത്. സ്ഥിരം ശൈലി
ആണിത്.

“ഹാപ്പി ബർത്ഡേ മൈ കുറുമ്പി.. !

അവളുടെ കാതിൽ പതിയെ വിഷ് ചെയ്തു കുറച്ച് നേരം അവളെത്തന്നെ നോക്കി ഇരുന്നുപോയി.

“വിഷ് മാത്രേ ഒള്ളോ സമ്മാനം ഒന്നും ഇല്ലേ കോന്താ ”

എന്നെ അമ്പരപ്പെടുത്തിക്കൊണ്ട് അവൾ ചോദിച്ചു. അപ്പോഴും കണ്ണ് തുറക്കാതെ
പിടിച്ചിരിക്കുവാണ്.അത് ശരി എല്ലാം അറിഞ്ഞു കിടക്കുകയായിരുന്നു കള്ളിപെണ്ണ്.

അവളുടെ കവിളിൽ അമർത്തി ഒരുമ്മ വെച്ചുനൽകി കൊണ്ട് ഞാൻ പുഞ്ചിരിച്ചു.

“സമ്മാനം ഇത് പോരെ?

“ഉം . ധാരാളം..

അവൾ ചിണുങ്ങി കൊണ്ട് പറഞ്ഞു.

ഞാൻ പുറത്ത് പോയി മൂത്രമൊഴിച്ചു വന്നപ്പോളും പെണ്ണ് അതെ കിടപ്പ് തന്നെ ആണ്. ലൈറ്റ്
ഓഫാക്കി കട്ടിലിലേക്ക് കിടന്നു കൊണ്ട് ഞാൻ അവളെ ഇറുക്കിയണച്ചു.അമ്മുവിനെ ഇങ്ങനെ
കെട്ടിപ്പിടിച്ചു കിടക്കുന്നതിന്റെ സുഖം.. ഹോ എന്റെ സാറേ…

“ശരിക്കും എന്റെ ഡാൻസ് കൊള്ളൂലെ പൊന്നൂസെ?

എന്റെ നെഞ്ചിൽ മുഖമൊളിപ്പിച്ചു കൊണ്ട് കിടക്കുന്നതിനിടെ അവൾ തിരക്കി.

“മിണ്ടാതെ ഉറങ്ങിക്കെ വാവ.. ”

എന്റെ ശാസന കിട്ടിയതോടെ അവൾ പിന്നെ ഒന്നും മിണ്ടീല.

ലോകത്തെ ഏറ്റവും വല്യ ലഹരി മദ്യവും മയക്കുമരുന്നും കഞ്ചാവും കാമവും ഒന്നും അല്ല.
അത് പ്രേമം തന്നെയാണ്.സ്വന്തം പെണ്ണിനെ ഇങ്ങനെ ചുറ്റി വരിഞ്ഞു കിടക്കുന്നതിനേക്കാൾ
വല്യ ഭാഗ്യമൊന്നും വേറെയില്ല.ഇനി ഉണ്ടാവാനും പോണില്ല !
*~~~~~~~~~~~~~~~~~~~~*

മൂന്ന് പേർക്കും കൂടി പോവാൻ ബുദ്ധിമുട്ടായത് കൊണ്ട് രാവിലെ ജിഷ്ണുവിന്റെ
കാറെടുത്താണ് പോയത്. എന്നെ ഡ്രൈവർ ആക്കി അമ്മയും മോളും ബാക്കിലിരുന്ന്
കുറുകിക്കൊണ്ടിരുന്നു.

“ഒന്ന് മിണ്ടാതിരിക്കുന്നുണ്ടോ
അല്ലെങ്കി ഞാൻ രണ്ടിനേം ഇറക്കി വിടും ”

കുറുകൽ കൂടിയതോടെ എനിക്ക് കുരു പൊട്ടി.

“എന്നാ ഇതിനേക്കാൾ വേഗത്തിൽ എത്താമായിരുന്നു ”

എന്റെ മെല്ലെപ്പോക്കിനെ പരിഹസിച്ചു കൊണ്ട് അമ്മയുടെ മറുപടി എത്തി. അതിന് കോറസായി
മറ്റവളുടെ ചിരിയും.

“അമ്മേ പിറന്നാളായിട്ട് ഒരു മുട്ടായി പോലും വാങ്ങി തന്നില്ല ദുഷ്ടൻ ”

അമ്മു പരാതിയുടെ കെട്ടഴിച്ചു.

“ഇവനല്ലെങ്കിലും മൺവെട്ടിയെ പോലാണ് പെണ്ണെ എല്ലാം അങ്ങോട്ടെ ഒള്ളൂ തിരിച്ചൊന്നും
ഇല്ലാ… ”

“ദേ ഈ ഷർട്ട്‌ ഞാൻ കഴിഞ്ഞ പിറന്നാളിന് വാങ്ങി കൊടുത്തതാ എന്നിട്ടാണ്.. എനിക്കൊന്നും
തരാത്തെ ”

അമ്മുവിന് ടോപ്പിക്ക് വിടാനുള്ള ഉദ്ദേശമില്ല

“അങ്ങനെ നോക്കാണെങ്കിൽ ഞാൻ നിനക്കെന്തൊക്കെ വാങ്ങി തന്നിട്ട്ണ്ടെടീ തെണ്ടീ..
അതൊക്കെ നീ മറന്ന് പോയോ?

അല്ല പിന്നെ അവളുടെ ഒരു പായാരം പറച്ചിൽ

“അയ്യ! ഒന്നൂടെ പറഞ്ഞെ, സ്വന്തം പൈസക്കൊന്നും അല്ലല്ലോ
നീ കൊണ്ട് കൊടുത്തു എന്ന് പറഞ്ഞ മതി. വാങ്ങിയത് ഞാനാ… ”
ഇത്രേം കാലം കൊണ്ട് നീ എന്നെ പറ്റിച്ച കണക്കെടുത്താ ഇത് പോലൊരു വണ്ടി
വാങ്ങായിരുന്നു ”

തള്ള ഈ കൌണ്ടർ അടിക്കുമെന്ന് എനിക്കുറപ്പായിരുന്നു. ചോദിച്ചു വേടിച്ച പോലെയായി.

“ഇല്ലമ്മേ എന്റേല് കണക്കില്ല, എന്റെ അധ്വാനത്തിന് കണക്കില്ലാ,എന്റെ ജീവിതത്തിന്
കണക്കില്ലാ,
പക്ഷെ ഞാൻ തന്ന സ്നേഹത്തിന് കണക്ക്ണ്ട്, എന്റെലല്ലാ ഈശ്വരന്റേല് ”

ആവശ്യത്തിന് ദയനീയത മിക്സ്‌ ചെയ്ത് നെടുനീളൻ ഡയലോഗ് പറഞ്ഞ് ഞാൻ മിററിലൂടെ അവരെ പാളി
നോക്കി.അമ്മുവിന് അത് ഫീൽ ചെയ്ത മട്ടുണ്ട് അവളെന്നെ സഹതാപത്തോടെ നോക്കുന്നുണ്ട്
പക്ഷെ ലച്ചുവിന്റെ മുഖത്ത് അങ്ങനെ യാതൊന്നും ഇല്ലാ..

“എന്ത് ഊളത്തരം കേട്ടാലും കണ്ണ് നിറക്കാൻ ഇങ്ങനെ ഒരുത്തി !
എടീ പെണ്ണെ ഇത് വാത്സല്യത്തില് മമ്മൂട്ടി പറഞ്ഞ ഡയലോഗ് ആണ്.അല്ലാതെ ഇത്രേം വല്യ
ഡയലോഗ് പറയാനുള്ള ശേഷി ഒന്നും ഇവനില്ല. ഇപ്പഴും അക്ഷരമാല എഴുതിച്ചാ ഇവൻ തെറ്റിക്കും
അതെനിക്കുറപ്പാ… ”

അതും പറഞ്ഞു കൊണ്ട് ലച്ചു കുലുങ്ങി ചിരിക്കാൻ തുടങ്ങി.ഇനി അങ്ങനെ ഓസിന് കൗണ്ടർ
അടിച്ചു തടിച്ചി ആളാവണ്ട. ഞാൻ ഇനി മിണ്ടാതിരുന്നാൽ പോരെ!.

പിന്നെ അധികം സംസാരം ഒന്നും ഉണ്ടായില്ല അവിടെ എത്തിയപ്പോൾ സമയം പത്തുമണി ആയിരുന്നു.
അച്ഛനും അമ്മയും മുറ്റത്തേക്കിറങ്ങി വന്ന് ഞങ്ങളെ സ്വീകരിച്ചു കൊണ്ട് പോയി.
ലച്ചുവിനോടുള്ള അവരുടെ പെരുമാറ്റം വളരെ കരുതലോടെയായിരുന്നു.പക്ഷെ സംസാരത്തിലൂടെ
തടിച്ചി അവരെയൊക്കെ ചാക്കിലാക്കി.അതിന് പണ്ടേ പ്രത്യേക മിടുക്കാണ് അമ്മച്ചിക്ക്.
അമ്മു പറഞ്ഞേൽപ്പിച്ചതെല്ലാം അതെ പോലെ അവിടെ റെഡി ആയിട്ടുണ്ടായിരുന്നു.നല്ല ഉഗ്രൻ
പിറന്നാൾ സദ്യ !

“അമ്മേടെ കൈപ്പുണ്യം തന്നെ ആണ് അപ്പൊ ഇവൾക്ക് കിട്ട്യേത് ”
ലച്ചുവിന്റെ വക അഭിനന്ദനം എത്തി.

“എത്രേം പെട്ടന്ന് നമുക്കിത് നടത്തണം ട്ടോ.. അമ്മേ.. ”

അമ്മുവിന്റെ അമ്മ വളരെ വിനീത ഭാവത്തിൽ ലച്ചുവിനോട് പറഞ്ഞു.അവർ തമ്മിൽ കുറച്ച് നേരം
കൊണ്ട് തന്നെ നല്ല അടുപ്പം വന്നിട്ടുണ്ട്.

“എനിക്കിപ്പോ തന്നെ എന്റെ പെണ്ണിനെ കൊണ്ട് പോവാനാ കമ്പം. പക്ഷെ അച്ഛന്റെ ഉത്തരവ്
കിട്ടണ്ടേ?

അത് പറയുമ്പോൾ വല്ലാത്തൊരു നിരാശ ലച്ചുവിന്റെ മുഖത്ത് നിഴലിച്ചിരുന്നു.

“അച്ഛൻ സമ്മതിക്കാതിരിക്കോ?

“ഏയ് ഇതൊക്കെ ഉൾക്കൊള്ളാൻ ഉള്ള പ്രയാസം കൊണ്ടാവും.സമ്മതിക്കുമെന്നെ നമുക്ക്
കാത്തിരിക്കാം.. ”

ലച്ചു നെടുവീർപ്പോടെ പറഞ്ഞു നിർത്തി ഞങ്ങളെ മാറിമാറി നോക്കി.

സദ്യ കഴിഞ്ഞതോടെ ലച്ചു അവരുടെ ചരിത്രം ചികയാൻ തുടങ്ങി. ഓരോന്നും കൃത്യമായി
ചോദിച്ചറിഞ്ഞു കൊണ്ട് അമ്മ അവരെ കൂടുതലറിഞ്ഞു.അമ്മുവാകട്ടെ അപ്പോഴും ലച്ചുവിനെ
ചുറ്റിപറ്റിതന്നെ ഉണ്ടായിരുന്നു.അച്ഛനും ഉണ്ണിമാമയും വരുന്ന കാര്യം പറഞ്ഞപ്പോൾ അവൾ
അന്ധാളിപ്പോടെ എന്നെ പാളി നോക്കി.

“നീ പേടിക്കണ്ട എല്ലാം ശരിയാവുന്ന വരെ ഇവിടെ നിന്നോ.. ”

ഞാൻ അവളെ ആശ്വസിപ്പിക്കാൻ ശ്രമിച്ചു.

“ആ പിന്നേ, എനിക്ക് പറ്റൂല പൊന്നൂസിനെ കാണാതെ..
എന്നെ കൊന്നാലും ഞാൻ കൂടെ വരും.. ”

അവൾ അപ്പഴേക്കും ചിണുങ്ങാൻ തുടങ്ങിയിരുന്നു.

“എന്റെ അവസ്ഥ നിനക്കറിയൂലെ
ഇത് നമ്മടെ നല്ലതിന് വേണ്ടിയാ ”

പെണ്ണിന്റെ മുഖം കണ്ട് എനിക്കും സങ്കടം വന്നു.

“എടീ പെണ്ണെ നിന്റെ പൊന്നൂസിനെ സ്ഥിരമായിട്ട് നിനക്ക് തരാൻ വേണ്ടീട്ടാ എല്ലാരും
പെടാപ്പാട് പെടുന്നെ”

ലച്ചു ഇടക്ക് കയറി അവളെ സമാധാനിപ്പിച്ചു.

“അവര് പറയുന്നത് കേക്ക് അമ്മൂ
കാണാൻ തോന്നുമ്പോ കണ്ണൻ ഇങ്ങോട്ട് വന്നോളും ”

കാര്യങ്ങളുടെ കിടപ്പ് വശം മനസ്സിലായ അവളുടെ അമ്മ അവളെ ചേർത്ത് പിടിച്ചു കൊണ്ട്
പറഞ്ഞു.

“ഞാൻ വിളിച്ചാ അപ്പൊ ഇവിടെ എത്തിക്കോണം.. കേട്ടല്ലോ.. ”

അവൾ നിബന്ധന വെച്ചു..

“പിന്നല്ല… പറന്നു വരും ഞാൻ ”

ഞാൻ ചിരിയോടെ പറഞ്ഞപ്പോൾ അവളെ ചിണുങ്ങി കൊണ്ട് എന്നെ കെട്ടിപിടിച്ചു.എന്നെ
പരിസരബോധം പഠിപ്പിക്കുന്നവളുടെ പക്വത കണ്ട് ഞാൻ ഉള്ളിൽ ചിരിച്ചു കൊണ്ട് അവളെ
ചേർത്ത് പിടിച്ചു.

“ഇവറ്റകളെ ഒക്കെ ഒന്നിപ്പിച്ചില്ലെങ്കിൽ പിന്നെ ദൈവം ണ്ട് ന്നൊക്കെ പറയണത് വെറുതെ
ആവും. !

ഞങ്ങളുടെ പ്രകടനം കണ്ട് അമ്മായിയമ്മ കണ്ണ് തുടച്ചു കൊണ്ട് പറഞ്ഞു.

കനത്ത നിശബ്ദതയായിരുന്നു ആ വാക്കുകളോടുള്ള പ്രതികരണം.പിന്നേം സംസാരിച്ചിരുന്ന് നേരം
പോയതറിഞ്ഞില്ല.അതിനിടെ ലച്ചു എന്നെ വിളിച്ച് കേക്ക് ഓർഡർ ചെയ്യാൻ പറഞ്ഞു.

“പെണ്ണിന്റെ ഫോട്ടോ വെച്ചിട്ട്ള്ളതായിക്കോട്ടേ ”

ലച്ചു എന്റെ കാതിൽ പറഞ്ഞു.

“ആഹ് നടന്നത് തന്നെ, അത് ക്യാമറ വിരോധി ആണ് എന്റെ കയ്യിൽ പോലും ഒരു ആകെ സെൽഫി ആണ്
ഇള്ളത് ”

“അത് മതിയെടാ.. അവളെ ക്രോപ് ചെയ്ത് ഒറ്റക്കാക്കിയ മതി. വേഗം ചെല്ല് ”

ലച്ചു ധൃതി കൂട്ടി പറഞ്ഞയച്ചു.അവള് കാണാതെ ഞാൻ വണ്ടിയും കൊണ്ട് പോയി കേക്കും കൊണ്ട്
വന്നു. അപ്പോഴേക്കും സമയം ആറുമണി കഴിഞ്ഞിരുന്നു.പിന്നെ എല്ലാവരുടെയും സാനിധ്യത്തിൽ
ആ ചടങ്ങും നടന്നു.

“സന്തോഷം വന്നാലും സങ്കടം വന്നാലും കരയുന്ന ഒരുത്തിയെ ആണല്ലോ ദൈവമേ എനിക്ക്
കിട്ട്യേത്”

കണ്ണ് നിറച്ചു നിക്കുന്ന അവളെ കളിയാക്കി കൊണ്ട് ഞാൻ കളിയാക്കി.

“പോയി പണി നോക്ക്
ഞാൻ കരഞ്ഞിട്ടൊന്നും ഇല്ലാ..”

അവൾ കണ്ണ് തുടച്ചുകൊണ്ട് എന്നെ എതിർത്തു. മറ്റുള്ളവരെല്ലാം അതൊക്കെ ചിരിയോടെ നോക്കി
നിൽക്കുകയാണ്.

“ഇങ്ങ് വന്നേ പിറന്നാൾ സമ്മാനം തരട്ടെ ”

ഞാനവളുടെ കയ്യിൽ പിടിച്ചു വലിച്ചു കൊണ്ട് ചിരിയോടെ പറഞ്ഞു.

“ഞാൻ വരൂല, ന്നെ വേദനിപ്പിക്കാനല്ലേ ?

“നീ പൊയ്‌ക്കോടീ വേദനിപ്പിച്ചാൽ അമ്മയോട് പറഞ്ഞാ മതി ”

ലച്ചു അവൾക്ക് ധൈര്യം നൽകി എന്റെ കൂടെ വിട്ടു.ഞാൻ അവളേം കൂട്ടി റൂമിൽ കേറി.

“കണ്ണടക്ക്…. “

“പ്ലീസ് വേദനിപ്പിക്കല്ലേ ട്ടോ പൊന്നൂസെ ”

അപേക്ഷയോടെ അവൾ കണ്ണടച്ചു.

ഞാൻ മുറിയിൽ ഷോക്കേസിൽ ഒളിപ്പിച്ചു വെച്ചിരുന്ന ഞാൻ അവൾക്കായി വാങ്ങിയ പുതിയ ജോഡി
ചിലങ്കയുടെ ബോക്സ്‌ അവളുടെ കയ്യിൽ കൊടുത്തു.
പെണ്ണ് ആകാംഷയോടെ കണ്ണുതുറന്ന് ബോക്സ്‌ തുറന്ന് അതിലേക്ക് ഒരുനിമിഷം നോക്കി പിന്നെ
എന്നെ നോക്കി കണ്ണ് നിറച്ചു.

“നിർത്തി വെച്ചതൊക്കെ ഇനി നമ്മള് തുടങ്ങാൻ പോവാണ് !

കണ്ണുകൾ തുടച്ചു കൊണ്ട് ഞാൻ പറഞ്ഞു.

“ഞാൻ മനസ്സിൽ ആഗ്രഹിച്ച ഗിഫ്റ്റാണിത്. ഇന്നലെ പക്ഷെ ഡാൻസ് പോരാന്നു പറഞ്ഞപ്പോ
ഞാനാകെ തളർന്നു പോയി ”

“അതൊക്കെ ഞാൻ ചുമ്മാ പറഞ്ഞതല്ലേ, അസ്സലായിരുന്നു ഡാൻസ്.ഇന്നലെ കണ്ടപ്പോ എന്റെ
മനസ്സ് നിറഞ്ഞു., എന്റെ കുഞ്ഞാപ്പിക്ക് ഇത് തന്നെഗിഫ്റ്റ് തരണം ന്ന് അപ്പഴേ കരുതീതാ

അതിനുള്ള പ്രതികരണമെന്നോണം ആ നനുത്ത ചുണ്ടുകൾ എന്റെ കവിളിൽ അമർന്നു.

“താങ്ക്സ് ട്ടോ കള്ളക്കണ്ണാ ”

അവൾ ചെവിയിൽ മന്ത്രിച്ചു. പിന്നെ എന്നെയും വലിച്ചു കൊണ്ട് റൂമിന് പുറത്തേക്ക് പോയി.

“നോക്കിക്കേ പൊന്നൂസിന്റെ ഗിഫ്റ്റാ ”

അവൾ അത്യധികം ആവേശത്തോടെ എല്ലാവരെയും അത് കാണിച്ചു.കളിപ്പാട്ടം കിട്ടിയ കുട്ടിയുടെ
സന്തോഷമായിരുന്നു അവൾക്കപ്പോൾ !

“നമുക്കിറങ്ങിയാലോടാ
അമ്മയെ തറവാട്ടിൽ നിന്ന് കൂട്ടണ്ടേ?

സമയം ഏഴുമണിയായത് കണ്ട് ലച്ചു പറഞ്ഞു.

അതോടെ പെണ്ണിന്റെ മുഖത്തെ ബൾബ് കെട്ടു.തല കുനിച്ചു നിക്കുന്ന അവളെ ഞാൻ ചേർത്ത്
പിടിച്ചപ്പോഴേക്കും പെണ്ണ് ചിണുങ്ങാൻ തുടങ്ങിയിരുന്നു.

“അമ്മൂസെ… “

ഉം… “

“രാവിലെ എണീക്കണം, മുടി നല്ലോണം ശ്രദ്ധിക്കണം, അച്ഛനോടും അമ്മയോടും കുറുമ്പ്
കാട്ടരുത്, നല്ല കുട്ടിയായിട്ടിരിക്കണം,ചുമ്മാ കെടന്ന് കരയരുത്,
കേട്ടല്ലോ ”

ഞാൻ ഒറ്റ ശ്വാസത്തിൽ നിർദ്ദേശങ്ങൾ നൽകിയതും അവൾ സമ്മതമെന്ന അർത്ഥത്തിൽ തലയാട്ടി.

“അച്ഛനെന്ത് പറഞ്ഞാലും ദേഷ്യപ്പെടരുത്, ലച്ചുമ്മയെ നോക്കണം, അധികം സ്പീഡിൽ വണ്ടി
ഓടിക്കരുത്, ആരോടും വഴക്കിനു പോവരുത്,
രാത്രി നേരത്തെ കെടന്നൊറങ്ങണം !

തിരിച്ചും കിട്ടി ഒരു ലോഡ് കൽപ്പനകൾ.

“രണ്ടിന്റെയും ഡയലോഗ് കേട്ടാ ഇവൻ വല്ല ഗൾഫിലും പോണ പോലെയാണ് ”

ലച്ചു ആ അന്തരീക്ഷം ഒന്ന് മയപ്പെടുത്താൻ നോക്കി.

അധികം താമസിപ്പിക്കാതെ ഞങ്ങൾ ഇറങ്ങി.

നേരെ തറവാട്ടിലേക്ക് പോയി അച്ഛമ്മയെ കൂട്ടി വീട്ടിലേക്ക് പോയി. അവളില്ലാതെ ഇനി എത്ര
ദിവസം തള്ളി നീക്കേണ്ടി വരുമോ എന്തോ.എല്ലാം പെട്ടന്ന് ശരിയായാൽ മതിയായിരുന്നു.അതിന്
ആ തന്തപ്പടിക്ക് എന്ത് ബാധ കേറിയതാണാവോ.പിറ്റേന്ന് രാവിലേ എണീറ്റപ്പോ എട്ടുമണി
കഴിഞ്ഞിരുന്നു.ഉമ്മറവാതിലിൽ ഉള്ള മുട്ട് കേട്ട് തുറന്നപ്പോൾ ഒട്ടും
പ്രതീക്ഷിക്കാത്ത കാഴ്ചയാണ് കണി കണ്ടത് ഉമ്മറത്തു ചാരു കസേരയിൽ ഗോപാലേട്ടൻ !
എന്റെ അച്ഛൻ!

ബാഗും തൂക്കി പിടിച്ചു എന്നെ കണ്ണെടുക്കാതെ നോക്കി നിക്കുകയാണ് കക്ഷി. ചിരിക്കുന്ന
സ്വഭാവം പിന്നെ പണ്ടേ ഇല്ലാ.ഇപ്പോഴത്തെ അവസ്ഥയിൽ പിന്നെ പറയണ്ടല്ലോ.

“ആഹാ നേരത്തെ പോന്നോ ”

അപ്രതീക്ഷിതമായി കെട്ട്യോനെ കണ്ട ലച്ചു ശരിക്കും അന്തം വിട്ടിട്ടുണ്ട്.ലച്ചു മാത്രം
അല്ല ഞാനും ചെറുതായി ഒന്ന് ഞെട്ടിയിട്ടുണ്ട്.മകനെ കണ്ട സന്തോഷത്തിൽ അച്ഛമ്മ
ഉമ്മറത്തേക്ക് വന്ന് കെട്ടിപിടിച്ചു

“സുഖല്ലേ നെനക്ക്..?

“എന്ത് സുഖം അമ്മാ, അമ്മാതിരി കാര്യങ്ങളല്ലേ നടക്ക്ണത് ”

ഞങ്ങളെ രണ്ടിനെയും മാറി മാറി നോക്കികൊണ്ട് അച്ഛൻ പറഞ്ഞു.

“നാളെ വരൂന്നല്ലേ പറഞ്ഞെ?

ലച്ചുവിന്റെ ചോദ്യം കേട്ട് ഗോപാലേട്ടൻ വല്ലാത്തൊരു നോട്ടം നോക്കി. അതോടെ ലച്ചു
മൂപ്പരെ മൈൻഡ് ചെയ്യാതെ ഉള്ളിലേക്ക് പോയി. ചായ കുടിയൊക്കെ കഴിഞ്ഞ് എല്ലാരും ഹാളിൽ
എത്തി സോഫയിൽ ഇരുവശത്തായി ഇരുന്നു.അച്ഛമ്മയും അച്ഛനും ഒരു ഭാഗത്ത്‌ എന്റെ കൂടെ
ആരാണെന്ന് പിന്നെ പറയണ്ടല്ലോ.

“എന്താ നിന്റെ തീരുമാനം?

എന്നെ അടിമുടി നോക്കി ദഹിപ്പിച്ച ശേഷം അച്ഛൻ ചോദിച്ചു.

“അതങ്ങ് നടത്തി കൊടുക്കാന്നേ
നമുക്കാകെ ആകെ ഇവനല്ലേ ഒളളൂ… “

ലച്ചു എന്റെ പക്ഷം പിടിച്ചു കൊണ്ട് പറഞ്ഞു.

“നീ മിണ്ടണ്ട കൊഞ്ചിച്ചു കൊഞ്ചിച്ച് വഷളാക്കിയത് പോരെ, ഇനി ഞാൻ നോക്കിക്കോളാം ”

കിട്ടിയ അവസരം മുതലാക്കി അച്ഛൻ ലച്ചുവിന്റെ നേരെ ചാടി.

“എന്റെ തീരുമാനത്തിൽ മാറ്റല്ലാ
എനിക്കവളെ വേണം !

അവര് തമ്മിൽ കോർക്കുന്നത് ഒഴിവാക്കാനായി ഞാൻ അച്ഛനോട് പറഞ്ഞു.

“ഉറപ്പാണോ ?

“ആ ഉറപ്പാണ് !

“എന്നാ ഇവിടുത്തെ പൊറുതി മതിയാക്കിക്കോ. എന്നെ അനുസരിക്കാൻ പറ്റാത്തോര് ഇവിടെ
വേണ്ടാ… !

അച്ഛൻ പറഞ്ഞത് കെട്ട് ഞെട്ടലോടെ അമ്മയും അച്ഛമ്മയും എന്നെ നോക്കി. പക്ഷെ ഞാനത്
പ്രതീക്ഷിച്ചതായിരുന്നു.

“എന്താ ഗോപാലാ ഇജ്ജീ പറയണത് ഇവനെ ഇറക്കി വിട്ടാൽ പിന്നെ ചാവാൻ നേരത്ത് തുള്ളി
വെള്ളം തരാൻ ആരാ നെനക്ക്?

അതുവരെ കാഴ്ചക്കാരിയായി നിന്ന അച്ഛമ്മ അച്ഛന് നേരെ തിരിഞ്ഞു.

“ആരെങ്കിലും ണ്ടാവും. മക്കളില്ലാത്തോരും മരിക്ക്നില്ലേ?

സമനില തെറ്റിയ അച്ഛൻ അലറി. പിന്നെ മുഖം പൊത്തി കൊണ്ട് സോഫയിലേക്കിരുന്നു.

“എന്നാ ഞാനും പോവും ഇവന്റെ കൂടെ

എനിക്കിവൻ തന്നെയാ വലുത് !ലച്ചു പറഞ്ഞത് കെട്ട് അച്ഛൻ ഞെട്ടലോടെ ഞങ്ങളെ നോക്കി.
പക്ഷെ ഒന്നും മിണ്ടിയില്ല.

“തറവാട്ടില്ക്ക് പോര് രണ്ടാളും.നമുക്കവടെ കഴിയാ, ഒരാളും ചോദിക്കാൻ വരൂല. അത് ന്റെ
വീടാണ് !

അച്ഛമ്മ അമ്മയുടെ കൈപിടിച്ചുകൊണ്ട് പറഞ്ഞു.തീർത്തും ഒറ്റപ്പെട്ടെങ്കിലും അച്ഛന്റെ
നിലപാടിൽ മാറ്റം ഒന്നും ഉണ്ടാവില്ല എന്നെനിക്ക് ഉറപ്പായിരുന്നു.

“ആരും വരണ്ട ഞാൻ എവിടേലും കഴിഞ്ഞോളാം.ലച്ചൂസ് ഇവിടെ നിന്നാ മതി. അച്ഛൻ കൊറേ
കാലത്തിനു ശേഷം വന്നതല്ലേ !

ഞാനെന്റെ നിലപാട് വ്യക്തമാക്കി.

“നീ ഒറ്റക്കെങ്ങോട്ടും പോവൂല
നമ്മള് രണ്ടാളും എന്റെ വീട്ടിലേക്ക് പോവും”

“വേണ്ടമ്മേ എന്റെ കാര്യങ്ങള് ഒക്കെ നടക്കും.എന്റെ കൂടെ പഠിച്ച നൗഫൽ ഇവിടെ ടൗണില്
ട്യൂഷൻ സെന്റർ നടത്തുന്നുണ്ട് അവിടെ ക്ലാസ്സെടുക്കാൻ കൊറേ നാളായി
വിളിക്കുന്നു.പിന്നെ നാളെ തൊട്ട് psc സെന്ററില് ക്ലാസ്സെടുക്കാൻ
തുടങ്ങാണ്.വൈശാഖട്ടന് ജോലി കിട്ടി പോയി. ഇനി അവിടുത്തെ ചാർജ് എനിക്കാണ്.താമസവും
അവിടെത്തന്നെ .എല്ലാം കൂടെ എങ്ങനെ പോയാലും ആയിരം രൂപ ഒരു ദിവസം കിട്ടും.
അങ്ങനെ തോൽക്കാൻ പറ്റൂലല്ലോ !

അവസാനത്തെ വാക്യം അൽപ്പം ഉറക്കെ ആണ് ഞാൻ പറഞ്ഞത്.
ലച്ചുവിന് പക്ഷെ ഇതൊട്ടും സഹിക്കാവുന്നതായിരുന്നില്ല.കണ്ണ് നിറച്ചു കൊണ്ട് എന്നെ
നോക്കി നിന്ന ലച്ചു അകത്തേക്ക് പോയി തിരിച്ചു വന്നത് atm കാർഡും കൊണ്ടാണ്.

“അമ്മേടെ കുഞ്ഞ് ഒരു ജോലീം ചെയ്യണ്ട, എവിടേലും റൂമെടുത്തോ, നിനക്ക് സുഖായിട്ട്
കഴിയാനുള്ളതൊക്കെ ഇതില്ണ്ട്”

കാർഡ് എന്റെ നേരെ നീട്ടികൊണ്ട് ലച്ചു പറഞ്ഞു.

“വേണ്ടമ്മെ ഇതൊക്കെ ഒരു അനുഭവം അല്ലെ, ഞാനങ്ങനെ കണ്ടിട്ടേ ഒള്ളൂ.എന്നും വൈകുന്നേരം
ഞാൻ ഇവിടെ വരും എന്റെ ലച്ചൂസിനെ കാണാൻ !
മര്യാദക്ക് അങ്ങോട്ട് ഇറങ്ങി വന്നോണം.കേട്ടല്ലോ..

ഞാൻ അമ്മയുടെ കണ്ണ് തുടച്ചു കൊണ്ട് ചിരിയോടെ പറഞ്ഞു.പിന്നെ റൂമിൽ പോയി റെഡിയാക്കി
വെച്ച ബാഗും എടുത്ത് വന്ന് അവരോട് യാത്ര പറഞ്ഞ് പോന്നു. ഒട്ടും പ്രതീക്ഷിക്കാത്തത്
കൊണ്ടാവും ഇറങ്ങിയപ്പോ ലച്ചു വല്ലാണ്ട് കരഞ്ഞു.

“ആഹാ അച്ഛൻ വന്നൂ ലേ ”

ബാഗും പൊക്കണവും താങ്ങി പിടിച്ചു കയറി ചെല്ലുന്ന എന്നെ കണ്ടതും വൈശാഖേട്ടൻ ചിരിയോടെ
ചോദിച്ചു.

“അപ്പൊ നിങ്ങള് ജോലിക്ക് പോയില്ലേ തന്തേ…
അല്ല ഇതൊക്കെ ആര് പറഞ്ഞു?

ഞാൻ അത്ഭുതത്തോടെ ചോദിച്ചു.

“നിന്റെ പെങ്ങള് തന്നെ,നിന്നെ കാണാത്തത് എന്താന്ന് ചോദിച്ചപ്പോ ഗതി കെട്ട് പറഞ്ഞതാ.

ഓഫീസ് റൂമിലെ കബോർഡിലേക്ക് ബാഗ് എടുത്ത് വെച്ച് ഞാൻ തിരിഞ്ഞപ്പോഴേക്കും എന്റെ വരവ്
മണത്തറിഞ്ഞ പോലെ ചിന്നു അവിടേക്ക് വന്നു.

“നീ എല്ലാം അങ്ങാടിപാട്ടാക്കിയോ
പന്നീ.. ”

ഞാൻ പാതി തമാശയിൽ അവളോട് ചോദിച്ചു

“ഇല്ലേട്ടാ ആകെ ഇയാളോട് മാത്രേ പറഞ്ഞുള്ളൂ.സോറി.. ”

അവൾ ക്ഷമാപണത്തോടെ എന്റെ കയ്യിൽ പിടിച്ചുകൊണ്ട് പറഞ്ഞു.

“വീട്ടീന്ന് ഇറക്കി വിട്ടു ലേ.. സാരല്ല
ഏട്ടൻ നമ്മടെ വീട്ടിലേക്ക് പോരൂ.”

“പോടീ അതൊന്നും ശരിയാവൂല.നാട്ടുകാര് തെണ്ടികള് എല്ലാം മറ്റേ കണ്ണിലെ കാണൂ.എന്റെ
കുട്ടീടെ ജീവിതം കോഞ്ഞാട്ട ആയിപ്പോവും..
ഏട്ടൻ ഇവിടെ കഴിഞ്ഞോളാടീ..
നോ പ്രോബ്സ്.. ”

ഞാൻ ചിരിയോടെ അവളെ ചേർത്ത് പിടിച്ചു കൊണ്ട് പറഞ്ഞു.

അവൾ അവിടെ നിന്നും പോയതും ഞാൻ കുളിച്ചു ഫ്രഷായി ക്ലാസ്സെടുക്കാൻ
കേറി.ആദ്യമായിട്ടായതിന്റെ പരിഭ്രമവും പാളിച്ചകളും ഉണ്ടായിരുന്നു.പക്ഷെ അച്ഛന്റെ
മുഖം ഓർക്കും തോറും എനിക്ക് വാശി കൂടി അതോടെ ക്ലാസും നന്നായി.എല്ലാരും നല്ല
അഭിപ്രായമാണ് പറഞ്ഞത്.ചിന്നുവിന്റെ വക ഫ്രീ പ്രമോഷനും ഉണ്ടായിരുന്നു.
ക്ലാസ്സ്‌ കഴിഞ്ഞ് ലഞ്ച് ബ്രേക്കിന്റെ ടൈം ആയപ്പോൾ ഞാൻ വണ്ടി എടുത്തോണ്ട്
ഹോട്ടലിലേക്ക് പോയി.ചോറ് പറഞ്ഞു.പഴയെ പോലെ ലാവിഷ് പരിപാടി നടക്കൂല. ഇനി ചെലവൊക്കെ
ഒന്ന് സൂക്ഷിക്കണം !
അവിടെ വെച്ചാണ് ഫോൺ എടുത്ത് നോക്കുന്നത്.
അമ്മുവിന്റെ വക പന്ത്രണ്ട് മിസ്സ്ഡ് കോളുകൾ !

“പറയൂ മാഡം…”

ഞാൻ ചിരിയോടെ തന്നെ തുടങ്ങി

“എവിടെയാ.. ”

ഞാൻ ക്ലാസ്സ്‌ കഴിഞ്ഞ് ഇപ്പൊ ഇറങ്ങിയേ ഒള്ളൂ

“അമ്മ എല്ലാം പറഞ്ഞു..
ഞാൻ കാരണം പെരുവഴി ആയല്ലേ…

അവളുടെ ശബ്ദം ഇടറിയിരുന്നു. കരയാൻ പിന്നെ എളുപ്പമാണല്ലോ പെണ്ണുങ്ങൾക്ക്

“അതൊന്നും സാരല്ല കുഞ്ഞൂ
ഇതല്ല ഇതിനപ്പുറം ചാടി കടന്നവനാണീ….
ഞാൻ ചിരിയോടെ പറഞ്ഞു.മറ്റൊന്നും കൊണ്ടല്ല അല്ലെങ്കി എന്നെക്കുറിച്ചോർത്ത്‌
കരഞ്ഞോണ്ടിരിക്കും

“ഫുഡ് കഴിച്ചോ..?

“കഴിച്ചോണ്ടിരിക്കാ…. “

“ഉം.. ഞാൻ പിന്നെ വിളിക്കാം..”

വാക്കുകൾക്ക് ക്ഷാമം നേരിട്ടപ്പോൾ അവൾ ഫോൺ വെച്ചു.ഞാൻ ഫുഡും കഴിച് തിരിച്ചു
സെന്ററിലേക്ക് തന്നെ പോന്നു.ഇനി നാലു മണി വരെ അവിടെ പോസ്റ്റാണ്. നാലുമണി തൊട്ട്
ഏഴുമണി വരെ ട്യൂഷൻ.ഏകദേശം അറുപതു കുട്ടികൾ ഉണ്ട്.മാത്‍സ് അല്ലാത്ത എല്ലാം എടുക്കാം
എന്നാണ് ഞാൻ ഏറ്റിരിക്കുന്നത്.എന്തായാലും ഞാൻ നായിച്ച് തിന്നുന്നത് ഞാൻ
ആസ്വദിക്കുന്നുണ്ട്. എന്നും ജീവിതം ഒരു പോലായാൽ മടുക്കില്ലേ.. !

ഓഫീസിൽ ഫോണിൽ തോണ്ടി ഇരുന്ന് നേരം കളഞ്ഞു.ട്യൂഷൻ സെന്ററിലേക്ക് ഇറങ്ങാൻ
തുടങ്ങുമ്പോഴാണ് ഉണ്ണിമാമയുടെ വീഡിയോ കാൾ വരുന്നത്.

“നീ കൂടെ നിന്ന് ചതിച്ചു അല്ലേടാ പൂറാ.. നിന്നെ ഞാൻ ശരിയാക്കി തരാം.. ”

കാൾ കണക്ടായതും അയാൾ തെറി വിളി തുടങ്ങി.

“നീ ഒരു മൈരും ചെയ്യൂല കുണ്ടാ
ഭീഷണി ഒക്കെ നിന്റെ കയ്യിൽ വെച്ചാ മതി ”

അല്ലെങ്കിലേ കലിപ്പിലായിരുന്ന എനിക്ക് പരിസരബോധം തീരെ ഉണ്ടായിരുന്നില്ല.

“നിന്നേം അവളേം സ്വൈര്യായിട്ട് ജീവിക്കാൻ ഞാൻ സമ്മതിക്കൂല
അടുത്താഴ്ച ഞാനങ്ങോട്ട് വരുന്നുണ്ട്..രണ്ടിനേം ഞാൻ വെട്ടികൊല്ലും ”

“നീ അവടെ കെടന്ന് ചെലക്കാതെ ആണാണെങ്കിൽ ഇങ്ങോട്ട് വാ .. ആരാരെയാ കൊല്ലുന്നേന്ന്
കാണാം.. ”

ഞാനും വിട്ടു കൊടുത്തില്ല.എവിടുന്നോ കിട്ടിയ ധൈര്യത്തിൽ ഞാൻ എന്തൊക്കെയോ
പറഞ്ഞു.അങ്ങാടിയിൽ ആണ് നിൽക്കുന്നത് എന്ന ബോധം വന്നപ്പോഴാണ് ഞാൻ നിർത്തിയത്.

പിന്നീട് കുട്ടികൾക്ക് ട്യൂഷൻ എടുക്കുമ്പോഴും എന്റെ മനസ്സ് കലുഷിതമായിരുന്നു.ആ
മൈരനെ എങ്ങനെ നേരിടും എന്നായിരുന്നു എന്റെ ചിന്ത.
എന്തേലും ആവട്ടെ വരുന്നിടത്തു വെച്ച് കാണാം…. !

മനുഷ്യ ജന്മം എന്ന് പറയുന്നത് ഈശ്വരൻ കെട്ടിയാടുന്ന പല കഥാപാത്രങ്ങൾ ആണെന്ന്
പണ്ടാരോ പറഞ്ഞു കേട്ടിട്ടുണ്ട് അത് ശരിയാണെങ്കിൽ ഓരോന്നും എങ്ങനെയൊക്കെ
അവസാനിക്കണമെന്ന് മൂപ്പര് നേരത്തെ തീരുമാനിച്ചിട്ടുണ്ടാവും

ദിവസങ്ങൾ കടന്ന് പൊയ്ക്കൊണ്ടിരുന്നു.എന്നും വൈകിട്ട് ലച്ചുവിനെ കാണാൻ ചെല്ലും
എനിക്ക് പരാമവധി ധൈര്യം പകർന്നു തന്ന് ലച്ചു എന്നെ യാത്രയാക്കും.വൈകുന്നേരം
ഉണ്ടാക്കിയ എന്തെങ്കിലും പലഹാരവും കാണും തടിച്ചിയുടെ കയ്യിൽ.

“നീ ഇങ്ങട്ട് കേറി വാ അയാളെന്താ ചെയ്യുന്നേ ന്ന് നോക്കാം “
സങ്കടം കൂടുമ്പോൾ അമ്മ പറയും

“വേണ്ടാ ലച്ചൂസേ മൂപ്പരുടെ ജാഡ കുറയട്ടെ,
എന്റെ പേരും പറഞ്ഞ് നിങ്ങള് രണ്ടും തെറ്റണ്ട “..
“ഡാ, നീ പെണ്ണിനെ കാണാൻ പോയിരുന്നോ?
സംസാരത്തിനിടെ ലച്ചു ചോദിച്ചു.

“ഇല്ലമ്മാ.. പോയാ പിന്നേ അതിന്റെ കരച്ചിലും സങ്കടവും കാണണ്ടേ?

“അവൾക്ക് വയറു വേദനയാണെന്ന് പറഞ്ഞിരുന്നു.ഒന്ന് പോയി കണ്ട് നോക്ക് “

“ദേ പറഞ്ഞു തീർന്നില്ലാ,അവളാ വിളിക്കുന്നെ…
ഞാൻ ഫോൺ ഉയർത്തികാട്ടി കൊണ്ട് ലച്ചുവിനോട് പറഞ്ഞു.
“എന്താടീ…..
ഞാൻ കാൾ എടുത്തുകൊണ്ടു തുടങ്ങി..
“ചാടികടിക്കണ്ട.. വിളിച്ചതിഷ്ടയില്ലെങ്കിൽ ഞാൻ വെച്ചോളാം.. “
അവൾ കെറുവിച്ചു
“ഹാ പറ പെണ്ണെ.
.
“ഒന്നൂല്ല, വല്ലാത്ത വയറു വേദന….
അവൾ പതിയെ പറഞ്ഞു

“ഡോക്ടറെ കാണിച്ചില്ലേ?
ഞാൻ തിരക്കി.

“അതൊന്നും വേണ്ടാ ഇത് ആ സമയത്ത് ഉണ്ടാവാറുണ്ട്”
അവളുടെ ശബ്ദം വളരെ ക്ഷീണിച്ചതായിരുന്നു.

“അസമയത്തോ?
ഞാൻ ചളിയടിച്ചു
അതോടെ ഫോൺ കട്ടായി.പെണ്ണ് കലിപ്പിലാണ്.അല്ലങ്കിലും സ്ത്രീകൾക്ക് ഈ സമയത്ത് ഇത്തിരി
ദേഷ്യം കൂടുതലാണല്ലോ.പിന്നെ ഒന്നും ആലോചിച്ചില്ലാ
നേരെ വിട്ടു.ഒൻപത് മണിയോടെ അവളുടെ വീട്ടിലെത്തി.ലൈറ്റ് ഒന്നും കാണാനില്ല, എല്ലാവരും
കിടന്നോ എന്തോ.ചെ നാണക്കേടായോ?
എന്റെ ബൈക്ക് മുറ്റത്തേക്ക് കയറിയതും റൂമിൽ ലൈറ്റ് തെളിഞ്ഞു.ഉമ്മറവാതിൽ തുറന്ന്
കൊണ്ട് അസുഖക്കാരി ഹാജരായി.മൊത്തത്തിൽ വല്ലാതെ ക്ഷീണിച്ചത് പോലെയുണ്ട്.

“നീ ഒന്നും കഴിക്കാറില്ലേ പെണ്ണെ?
ഉമ്മറത്തേക്ക് കയറിഅവളെ ചേർത്ത് പിടിച്ചു കൊണ്ട് ഞാൻ ചോദിച്ചു.
“സുഖമില്ലായിരുന്നു..അതോണ്ടാവും.. !
“ആ അസുഖത്തിനുള്ള മരുന്ന് വന്നല്ലോ ഇനി ക്ഷീണം ഒക്കെ മാറും “
ചിരിയോടെ പറഞ്ഞുകൊണ്ട് അവളുടെ അമ്മ ഉമ്മറത്തേക്ക് വന്നു.
അത് കാളിക്ക് ഇഷ്ടപ്പെട്ടിട്ടില്ല, അമ്മയെ നോക്കി ദഹിപ്പിക്കുകയാണ് പെണ്ണ്.
ഞാൻ ചിരിയോടെ അവളെ ചേർത്ത് പിടിച്ചുകൊണ്ട് അകത്തേക്ക് നടന്നു.

“അമ്മൂ അവനൊരു മുണ്ട് എടുത്ത് കൊടുക്ക്.ഡ്രസ്സ്‌ മാറ്റിക്കോട്ടെ
അവളുടെ അമ്മ പിറകിൽ നിന്നും പറഞ്ഞു.

“മുണ്ടൊന്നും വേണ്ടമ്മേ ഞാൻ കുറച്ച് കഴിഞ്ഞ പോവും.ഞാനെന്റെ കൊച്ചിനെ ഉറക്കാൻ
വന്നതാ.. !

“ങ്‌ഹും നാളെ പോയാമതി “
അവൾ ചിണുങ്ങാൻ തുടങ്ങി.
“ആ നാളെയെ പോവുന്നുള്ളൂ.”
ഞാൻ അവളെ സമാധാനിപ്പിച്ചു.

അവളെയും കൂട്ടി ഞാൻ കട്ടിലിലേക്ക് കിടന്നു.കിടന്ന പാടെ പെണ്ണ് എന്റെ മണം പിടിക്കാൻ
തുടങ്ങി.
“എത്ര ദിവസായി ഇങ്ങനെ കെടന്നിട്ട് “

അമ്മു എന്നെ മുറുക്കിയണച്ചു കൊണ്ട് പറഞ്ഞു.“നിന്റെ വയറു വേദനകുറവുണ്ടോ?

“ഉം ഇപ്പോ നല്ല കുറവുണ്ട്… !
അവൾ ചിരിയോടെ പറഞ്ഞു.അവളുടെ അസുഖം എന്താണെന്ന് എനിക്കും അവൾക്കും നന്നായിട്ട്
അറിയാവുന്നത് കൊണ്ട് ഞാൻ പിന്നെ കൂടുതലൊന്നും ചോദിച്ചില്ല.എന്റെ നെഞ്ചിൽ തലവെച്ചു
കിടന്ന് കൊണ്ട് ഓരോന്ന് സംസാരിച്ചു കിടക്കുന്നതിനിടെ അവൾ ഉറങ്ങിപ്പോയി.അവളെ
കട്ടിലിലേക്ക് കിടത്തി ഞാൻ ശബ്ദമുണ്ടാക്കാതെ എണീറ്റ് പുറത്തിറങ്ങി.
“നിന്നെ കണ്ടാൽ പിന്നെ നഴ്‌സറി പിള്ളേരെ പോലെയാണ് പെണ്ണ്.അല്ലാത്തപ്പോൾ ഭയങ്കര
ഗൗരവക്കാരിയും. “
ഹാളിൽ ഇരിക്കുകയായിരുന്ന അമ്മ ചിരിയോടെ പറഞ്ഞു.അവരോട് യാത്ര പറഞ്ഞു കൊണ്ട് ഞാൻ
അവിടെനിന്ന് പോന്നു.പിന്നെ അതൊരു പതിവായി.എന്നും അവളെ ചെന്ന് ഉറക്കിയിട്ട് ഞാൻ
തിരിച്ചു പോരും.അവളെ കാണാതിരിക്കാൻ എനിക്കും കഴിയില്ലല്ലോ !

ഏകദേശം രണ്ടാഴ്ച കഴിഞ്ഞിട്ടുണ്ടാവും.സമയം രാത്രി ഒൻപതു മണിയോടടുത്ത്‌ ഞാൻ നൈറ്റ്‌
ക്ലാസ്സെടുത്തു കൊണ്ടിരിക്കുന്നു.അപ്പോഴാണ് അമ്മുവിന്റെ കാൾ വരുന്നത്.
ഇന്ന് കുറുമ്പ് കൂടുതലാവും പെണ്ണിന് ഞാൻ ചെന്ന് ഉറക്കേണ്ടി വരും അതിനാണീ വിളി.
എന്തായാലും ക്ലാസ്സ്‌ കഴിഞ്ഞിട്ട് തിരിച്ചു വിളിക്കാം.
ഞാൻ മനസ്സിലോർത്തു.
പക്ഷെ അവൾ തുടർച്ചയായി അടിക്കുന്നത് കണ്ടതോടെ ഞാൻ ഫോണെടുത്തു.

“ക്ലാസിലാ പെണ്ണെ ഇത് തീർത്തിട്ട് ഞാൻ വന്നോളാം… ”

ഞാൻ ശബ്ദമടക്കി കൊണ്ട് പറഞ്ഞു.

“അയാള് അയാള് വന്നിട്ട്ണ്ട്..
പുറത്ത്ണ്ട്.. ”

അവളുടെ ശബ്ദം ഒരു നിലവിളി പോലെ തോന്നി എനിക്ക്.

“ആരാ പെണ്ണെ..?
ഞാൻ ആശങ്കയോടെ തിരക്കി.

“അയാള് ഉണ്ണിയേട്ടൻ.. എന്നെ കൊല്ലൂന്ന് പറഞ്ഞ് പുറത്ത് കത്തിയും പിടിച്ചു നിക്കാണ്.
ഞാനും അമ്മയും മാത്രേ ഒള്ളൂ ഇവിടെ…. ”

പറഞ്ഞു തീരുന്നതിനു മുന്നേ ഫോൺ കട്ടായി.

എന്ത് ചെയ്യണമെന്ന് ഒരു പിടിയും ഇല്ലായിരുന്നു.പക്ഷെ ഒന്ന് മാത്രം അറിയാം എന്റെ
പെണ്ണിനെ രക്ഷിക്കണം.അതിനി അവനെ കൊന്നിട്ടായാലും !

വേഗം ഫോണെടുത്തു വീട്ടിലേക്ക് ഡയൽ ചെയ്തു.

“ഉം.. എന്താ… ”

അച്ഛന്റെ പരുക്കൻ ശബ്ദം

“വിളിച്ച് വരുത്തിയ പുന്നാര അനിയൻ വന്നിട്ട്ണ്ട്.ഇപ്പൊ അമ്മുവിനെ കൊല്ലാൻ നടക്കാണ്.
അവൾക്കെന്തെങ്കിലും പറ്റിയാ ഞങ്ങളുടെ ശവം ഞാൻ നിങ്ങളെക്കൊണ്ട് തീറ്റിക്കും ഓർത്തോ..
!

ഭ്രാന്ത് പിടിച്ച പോലെ പുലമ്പി കൊണ്ട് ഞാൻ വണ്ടിയെടുത്തു കത്തിച്ചു വിട്ടു.ഇതാ
നിന്റെ സുഖവും സന്തോഷവും ഇവിടെ തീരുന്നു എന്ന് എന്റെ മനസ്സിൽ ആരോ മന്ത്രിച്ചു
കൊണ്ടിരുന്നു.എത്ര പെട്ടന്നാണ് ഞാൻ അവിടെ എത്തിയത് !

ഓഫാക്കാൻ പോലും മെനക്കെടാതെ ഞാൻ വണ്ടിയിൽ നിലത്തേക്കിട്ട് ഞാൻ മുറ്റത്തേക്ക് കയറി.
ഞാൻ ചെല്ലുമ്പോൾ ഒരു ഭ്രാന്തനെ പോലെ കയ്യിൽ കത്തിയും പിടിച്ചു എന്തൊക്കെയോ തെറി
വിളിച്ചു പറഞ്ഞ് നടക്കുകയാണ് അയാൾ.എന്നെ കണ്ടതും അയാൾ എന്റെ നേരെ കുതിച്ചു..
എനിക്കൊന്നും മനസ്സിലാവുന്നതിനു മുന്നേ അയാളുടെ ഉരുക്കു മുഷ്ടി എന്റെ കവിളിൽ
പതിഞ്ഞിരുന്നു.ശക്തിയായ ഇടിയിൽ ഞാൻ മലർന്നടിച്ചു വീണു.എന്റെ നെഞ്ചത്ത്‌ ആഞ്ഞു
ചവിട്ടി കൊണ്ട് അയാൾ എന്റെ നേരെ കൈ ചൂണ്ടി.

“ചാവേണ്ടെങ്കി പൊയ്ക്കോ നായെ.. ഒരേ ചോര ആയോണ്ടാ നിന്നെ വെറുതെ വിടുന്നെ..
ഈ കൂത്തിച്ചിയെ എന്തായാലും ഞാൻ തീർക്കും.. ”

സിനിമകളിലെപ്പോലെ സർവ്വഗുണ സമ്പന്നനല്ല ജീവിതത്തിലെ എന്ന ദുഃഖ സത്യം അയാളുടെ
കാൽക്കീഴിൽ കിടന്നു കൊണ്ട് ഞാൻ തിരിച്ചറിഞ്ഞു.പിടിച്ചുമാറ്റാൻ ശ്രമിക്കുന്തോറും
അയാൾ കാല് കൂടുതൽ ശക്തിയിൽ അമർത്തി.

“വിടെടാ… നായെ… ന്റെ കുട്ടീനെ.. ”

വാതില് തുറന്ന് കൊണ്ട് അവളുടെ അമ്മ മുറ്റത്തേക്ക് ഓടി വരുന്നത് മങ്ങിയ വെളിച്ചത്തിൽ
ഞാൻ കാണുന്നുണ്ടായിരുന്നു.പിന്നാലെ എന്നെ നോക്കി ഏങ്ങലടിച്ചു കൊണ്ട് അമ്മുവും !

സർവ ശക്തിയുമെടുത്ത്‌ ഞാൻ ആ കാല് പൊക്കിയതും അയാൾ ഒരലർച്ചയോടെ മലർന്നടിച്ചു
വീണു.എണീറ്റു നിന്ന ഞാൻ ഞാൻ ഒട്ടും സമയം പാഴാക്കാതെ അയാളുടെ നെഞ്ചിൽ കയറി ഇരുന്ന്
മുഷ്ടി ചുരുട്ടി ശക്തിയിൽ ഇടിച്ചു. മുഖം മുഴുവൻ ഞാൻ കൈ കൊണ്ട് കുത്തി പൊളിച്ചു.
അയാളും അലർച്ചയോടെ കൈ തലങ്ങും വിലങ്ങും വീശുന്നുണ്ടായിരുന്നു.

“അമ്മൂ.. ആ കത്തി എടുക്ക്..

അവളുടെ കാൽച്ചോട്ടിൽ കിടക്കുന്ന കത്തിയിൽ അയാളുടെ കണ്ണ് പതിഞ്ഞതും ഞാൻ വിളിച്ച്
പറഞ്ഞു.എന്നേക്കാൾ ഇരട്ടി ആരോഗ്യമുള്ള ഒരുത്തനോട് വെറും കൈ വെച്ച് അധികം നേരം
പൊരുതി നിൽക്കാനാവില്ലെന്ന് എനിക്കുറപ്പായിരുന്നു.

“വേണ്ടാ അയാള് പൊയ്ക്കോട്ടേ..”

അവൾ കരഞ്ഞു കൊണ്ട് വിസമ്മതിച്ചു

“ഇവനെ വെറുതെ വിട്ടാൽ നമ്മക്ക് ജീവിക്കാൻ പറ്റൂല എടുക്കാനാ പറഞ്ഞെ.. “

ഭ്രാന്തനെപ്പോലെ ഞാൻ അവളോട് അലറി.എന്റെ പിടിയിൽ നിന്ന് അയാൾ പതിയെ മോചിതനാവുന്നത്
ഞാൻ അറിയുന്നുണ്ടായിരുന്നു.

വേറെ വഴിയില്ലെന്ന് മനസ്സിലായ അവൾ കത്തിയെടുക്കാനായി കുനിഞ്ഞതും ഏതോ കാലുകൾ ആ കത്തി
തട്ടി തെറിപ്പിച്ചു…
വളരെ പരിചിതമായ ആ കാലുകൾ കണ്ടതും ഞാനറിയാതെ എന്റെ മനസ്സ് ഒരു നാമം ഉരുവിട്ടു.

അച്ഛൻ !

ഉണ്ണിമാമയെ ക്രൗര്യത്തോടെ നോക്കി ദഹിപ്പിക്കുന്ന ആ കണ്ണുകളുടെ തീഷ്ണത നേരിടാനാവാതെ
ഞാൻ നോട്ടം പിൻവലിച്ചു.ഒരു പൂച്ച കുഞ്ഞിനെ
തൂക്കിയെടുക്കുന്ന പോലെ എന്റെ കോളറിൽ പിടിച്ചുകൊണ്ട് അച്ഛൻ
പിറകിലേക്കിട്ടു.സ്വതന്ത്രനായ ഹുങ്കോടെ എണീറ്റ ഉണ്ണിയുടെ നെഞ്ചിൽ അച്ഛന്റെ കനത്ത
കാലുകൾ പ്രഹരമേല്പിച്ചു.ഒരു മാസ്സ് സിനിമ നായകനെ നോക്കി നിൽക്കുന്ന പോലെ ഞാൻ ആ
പെർഫോമൻസിൽ അന്തം വിട്ട് നോക്കി നിൽക്കുമ്പോൾ അച്ഛൻ ഉണ്ണിയെ ഷർട്ടിന്‌
കുത്തിപ്പിടിച്ചു പൊക്കി തലങ്ങും വിലങ്ങും തല്ലാൻ തുടങ്ങി.

“മേലാൽ എന്റെ ചെക്കനെ ശല്യപ്പെടുത്തിയ..കൊല്ലും ഞാൻ നിന്നെ !”

ഈശ്വരാ മൂർഖൻ പാമ്പിനോടാണല്ലോ ഈ ഞാഞ്ഞൂല് ഇത്രേം കാലം
നെഞ്ച് വിരിച്ചു ഡയലോഗടിച്ചത്എന്നാണ് ഞാനപ്പോൾ ചിന്തിച്ചത്.

“ഇല്ലേട്ടാ ഞാൻ പോയ്‌ക്കോളാം,
ഇനി ശല്യപ്പെടുത്തൂല.. “

അവൻ കൈകൂപ്പി കൊണ്ട് പറഞ്ഞു.അച്ഛൻ പിടി വിട്ടതോടെ അയാൾ ചുളുങ്ങിയ ഷർട്ട് ഒക്കെ
നേരെയാക്കി എല്ലാവരെയും ഒന്ന് നോക്കി തലകുനിച്ചുകൊണ്ട് നടന്നു നീങ്ങി.

“ആാാാ.. പൊന്നൂസേ..,”

ഉണ്ണിമാമ അവളുടെ അടുത്തുകൂടെ പോയതും നിലവിളിയോടെ അമ്മു നിലത്തേക്ക് വീണു.

“അമ്മൂ… “

ഒറ്റക്കുതിപ്പിന്‌ അവളെ നിലത്തുനിന്നും പൊക്കിയെടുത്തു മടിയിൽ വെച്ച എന്റെ സർവ
നാഡികളും തളർത്തുന്ന കാഴ്ചയായിരുന്നു അത്. അവളുടെ കഴുത്തു മുറിഞ്ഞു ചോര
ഒഴുകിക്കൊണ്ടിരിക്കുന്നു.ആ കാഴ്ച കണ്ട് അമ്മ ബോധ രഹിതയായി നിലത്ത് വീണു.

“നിന്നെ കൊല്ലുമെന്ന് പറഞ്ഞതല്ലെടീ.. പൂറി മോളെ ”

ഒരു ഭ്രാന്തനെപ്പോലെ അട്ടഹസിച്ചു കൊണ്ട് ഉണ്ണി ഇരുട്ടിലേക്ക് ഓടി മറഞ്ഞു.

“ബ്ലേഡ് കൊണ്ട് വരഞ്ഞതാ അവൻ ”

അച്ഛൻ എന്റെ തോളിൽ കൈ വെച്ചു കൊണ്ട് പറഞ്ഞു.

എന്ത് ചെയ്യണമെന്ന് ഒരു പിടിയും ഇല്ലാതെ ഒരു നിമിഷം നിസ്സഹായനായി അവളെ നോക്കി
ഇരുന്ന ഞാൻ ഏതോ ഒരുൾപ്രേരണയിൽ എന്റെ കൈകളിൽ കിടന്ന് പിടയുന്ന അമ്മുവിനെയും
പൊക്കിയെടുത്തു കൊണ്ട് റോഡിലേക്കോടി.ഞങ്ങൾ രണ്ട് പേരും
നിലവിളിക്കുന്നുണ്ടായിരുന്നു.ദൈവ കൃപ പോലെ ഒരു ഓട്ടോ കാലിയടിച്ച് ഞങ്ങളുടെ
മുന്നിലെത്തി.കാര്യം പിടികിട്ടിയ ഓട്ടോ ഡ്രൈവർ പരമാവധി സ്പീഡിൽ ഓടിച്ചു
കൊണ്ടിരുന്നു..
എന്റെ ഡ്രസ്സ്‌ മൊത്തം ചോരയായിരുന്നു.അപ്പോഴും അവളുടെ ബോധം മറഞ്ഞിട്ടില്ല..

“പൊ. ന്നൂ.. സ്സേ…

അവൾ അവ്യക്തമായി വിളിച്ചു.

“ഒന്നൂല്ലേടാ കണ്ണാ പേടിക്കണ്ടാ ട്ടോ.. “

അവളെ സമാധാനിപ്പിക്കുമ്പോ ഞാനും കരയുകയായിരുന്നു.

“ഞാൻ മരിച്ചാൽ ശ്രീകുട്ടിയെ കല്യാണം കഴിക്കണട്ടോ.. ”

“സംസാരിക്കല്ലേ വാവേ…

സംസാരിക്കുമ്പോൾ കഴുത്തിലെ മസിലുകൾ ഇറുകി രക്തം കൂടുതൽ വരുന്നുണ്ടായിരുന്നു. അവൾ
പിന്നെയും ഓരോന്ന് പറഞ്ഞു കൊണ്ടിരുന്നു. മരണമൊഴി പോലെ !
രക്തത്തിൽ കുളിച് എന്റെ മടിയിൽ കിടക്കുന്ന അവളെ നോക്കിയിരിക്കെ
അവളെ കണ്ട നാൾ മുതലുള്ള ഓരോരോ കാര്യങ്ങളും ഇമേജുകൾ പോലെ എന്റെ കണ്ണിലും മനസ്സിലും
മിഞ്ഞിമറഞ്ഞു കൊണ്ടിരുന്നു.എന്റെ ജീവൻ എന്നിൽ നിന്നും അകന്ന് പോകുമോ എന്ന് ഞാൻ
വല്ലാതെ പേടിച്ചു.നേരത്തെ കേട്ട അശരീരി എക്കോ പോലെ വീണ്ടും വീണ്ടും എന്റെ ചെവിയിൽ
കേട്ടുകൊണ്ടേയിരുന്നു.

ഹോസ്പിറ്റലിലെ ക്രച്ചസിലേക്ക് അവളെ കിടത്തിയതും ബോധ രഹിതനായി ഞാൻ നിലത്തേക്ക് വീണു.
പിന്നെ ബോധം വരുമ്പോൾ ഞാൻ ലച്ചുവിന്റെ മടിയിൽ തലവെച്ചു കിടക്കുകയാണ്.ചുറ്റിനും
നോക്കുമ്പോൾ അച്ഛനും അച്ഛമ്മയും എല്ലാം തൊട്ടപ്പുറത്തുണ്ട്..

” അമ്മു എവിടെ…?

സ്വബോധം തിരിച്ചു കിട്ടിയപ്പോൾ പരിഭ്രാന്തനായി ഞാൻ തിരക്കി..

“അവൾക്കൊന്നും ഇല്ലാ…
നീ പേടിക്കണ്ട.. ”

കരഞ്ഞു കലങ്ങിയ കണ്ണുകളോടെ ലച്ചു മറുപടി നൽകി.എന്തോ പന്തികേട് മണത്ത ഞാൻ ഡോക്ടറുടെ
അടുത്തേക്ക് ഓടി. വാതിൽ തള്ളി തുറന്ന് കൊണ്ട് ഞാൻ അകത്തു കയറി..

“അമ്മു, അനുപമ എവടെ?

ഞാൻ ഇടറിയ ശബ്ദത്തോടെ തിരക്കി

“അഭിലാഷ് അല്ലെ?
വാ പറയാം “

അയാൾ എന്റെ തോളിലൂടെ കയ്യിട്ട് കസേരയിൽ പിടിച്ചിരുത്തി.

“നിങ്ങൾ ഭാഗ്യവാനാണ് മിസ്റ്റർ,
ജീവൻ പോവേണ്ട കേസാണ്.
ഇപ്പൊ കുഴപ്പം ഒന്നും ഇല്ലാ..!

“എന്നിട്ടവൾ എവിടെ ഡോക്ടർ ”

ജീവിതം തിരിച്ചു കിട്ടിയ സന്തോഷത്തിൽ മതിമറന്നുകൊണ്ട് ഞാൻ ചോദിച്ചു.

“താനാള് കൊള്ളാല്ലോടോ.. കുഴപ്പം ഇല്ലന്നെ പറഞ്ഞുള്ളൂ അവൾക്ക് ഇപ്പൊ തന്നെ തന്റെ
കൂടെ ഓടാനും ചാടാനും ഒന്നും കഴിയില്ല.ബ്രൈനിലേക്കുള്ള നെർവ്
കട്ടായിട്ടുണ്ട്അയോർട്ടക്കും ഡാമേജ് ഉണ്ട് പക്ഷെ സർജറി സക്സസ്ഫുൾ ആണ്
.സംസാരിക്കാൻ പറ്റും പക്ഷെ തലയും കഴുത്തും അനക്കാൻ പോലും പറ്റില്ല. ആറുമാസം
കംപ്ലീറ്റ് ബെഡ് റെസ്‌റ്റ് വേണം. എങ്കിലേ എണീറ്റ് നടക്കാൻ പറ്റൂ !

അവൾ തളർന്നു കിടക്കുകയാണ് എന്നാണ് ലളിതമായി ഡോക്ടർ ഉദ്ദേശിച്ചത്.എന്തായാലും അവളെ
എനിക്ക് നഷ്ടപ്പെട്ടില്ലല്ലോ അത് മതി. എത്ര കാലം നോക്കിയിട്ടാണെങ്കിലും ഞാനവളെ
തിരിച്ചു കൊണ്ടു വരും, തീർച്ച !

“എനിക്കവളെ ഒന്ന് കാണാൻ പറ്റുവോ?

“താനീ കോലം ഒന്ന് മാറ്റി കുളിച്ചിട്ടു ഫ്രഷായി വാ. ഈ ബ്ലഡ് ഒക്കെ കണ്ടാൽ അവൾക്ക്
പിന്നേം തല ചുറ്റും ”

അത് ശരിയാണ്. അവൾക്ക് ബോധം കെടാൻ ഇത് ധാരാളം മതി.ഞാൻ ലച്ചുവിനോട് പറഞ്ഞ്
വീട്ടിലേക്ക് വിട്ടു. അവളെ ഒന്ന് കാണാഞ്ഞിട്ട് ഇരിക്കപ്പൊറുതി ഇല്ലാ.പെട്ടന്ന്
കുളിച്ചു ഡ്രസ്സ്‌ മാറ്റി വീണ്ടും ഹോസ്പിറ്റലിലേക്ക് പാഞ്ഞു.അവളെ വീട്ടിലേക്ക്
കൊണ്ട് വന്നിട്ട് വേണം ആ ഉണ്ണി മൈരനെ ശരിക്കൊന്ന് കാണാൻ !

“നീയിങ്ങനെ കണ്ണും മൂക്കും ഇല്ലാതെ ഓടാതെ ചെക്കാ അവൾ ഇവിടെ തന്നെ ണ്ടല്ലോ ”

എന്റെ മരണപ്പാച്ചിൽ കണ്ട് ലച്ചു എന്നെ സമാധാനിപ്പിച്ചു.അതിന് മറുപടിയായി ഒന്ന്
നോക്കിയതല്ലാതെ ഞാൻ ഒന്നും മിണ്ടിയില്ല.

“കേറി ചെല്ല് പൊന്നൂസിനെ കാണണം ന്ന് പറഞ്ഞു കരച്ചില് തുടങ്ങീട്ട് നേരം കുറെ ആയി..”

ലച്ചു അത് പറഞ്ഞു തീരുന്നതിന്റെ മുന്നേ ഞാൻ റൂമിലേക്ക് കയറിയിരുന്നു.
ഞാൻ ചെല്ലുമ്പോൾ മയക്കത്തിൽ ആണ് പെണ്ണ്. തല ഒരു വശത്തേക്ക് ചെരിച്ചു
വെച്ചിരിക്കുകയാണ്.അതിനി നേരെ ആവണമെങ്കിൽ കുറച്ച് കാലം പിടിക്കും.

അവളുടെ അടുത്ത് സ്റ്റൂള് വലിച്ചിട്ടു കൊണ്ട് നോക്കിയിരിക്കെ ഞാൻ തലേന്ന് നടന്ന
സംഭവങ്ങൾ ഓർത്തു പോയി. ഒറ്റ ദിവസം കൊണ്ട് എന്തൊക്കെയാണ് നടന്നത്.എന്തായാലും ദൈവം
തട്ടിപറിച്ചെടുത്തില്ലല്ലോ എന്റെ പൊന്നിനെ.ഇങ്ങനെയെങ്കിലും തിരിച്ചു തന്നല്ലോ
എന്നാലും ഇത്രയൊക്കെ അനുഭവിക്കാൻ മാത്രം എന്ത് പാപമാണോ ആവോ ഇവള് ചെയ്തത്.

ഞാൻ നോക്കിയിരിക്കെ അമ്മു പതിയെ കണ്ണ് തുറന്നു. എന്നെ കണ്ടതും വിവരിക്കാനാവാത്ത ഒരു
ഭാവം ആ മുഖത്ത് വിടർന്നു.

“എത്ര നേരായി പൊന്നൂസേ
ഞാൻ അന്വേഷിക്കുന്നു. എവിടായിരുന്നു… ”

അവൾ പരാതിയുടെ കെട്ടഴിച്ചു. സ്വരം വളരെ നേർത്തതായിരുന്നു.

“നിന്നെ വിട്ടിട്ട് ഞാൻ എവിടെ പോവാനാടീ.. ഞാനിവിടെ തന്നെ ണ്ടായിരുന്നു… ”

ഞാനവളുടെ നെറുകിൽ തലോടിക്കൊണ്ട് മറുപടി നൽകി.

“പോവേണ്ടി വരും ഈ പെടലിയെ കൊണ്ടിനി ഒന്നിനും കൊള്ളൂല,
ഷോക്കേസിൽ വെക്കാനല്ലാതെ.. ”

ചിരിച്ചു കൊണ്ടാണ് പറഞ്ഞതെങ്കിലും അവളുടെ കണക്ക് കൂട്ടൽ തെറ്റിച്ചു കൊണ്ട് കണ്ണീർ
തുള്ളികൾ പുറത്തേക്ക് ചാടി..

“അത് ഞാൻ സഹിച്ചു.. ”

അതിഷ്ടപ്പെടാതെ ഞാൻ കെറുവിച്ചു കൊണ്ട് മറുപടി നൽകി.

“ഇന്നലെത്തോടെ എല്ലാം തീർന്നൂന്ന് കരുതി.മരിക്കാൻ എനിക്ക് പേടിയില്ല, പക്ഷെ
എന്നേക്കാൾ സ്നേഹിക്കുന്ന ഒരുത്തിയുടെ അടുത്ത് എന്റെ ചെക്കനെ ഏൽപ്പിക്കാതെ പോവേണ്ടി
വരുമോന്നായിരുന്നു
ന്റെ പേടി.. ”
തീർത്തും അവശയാണ് ആളെന്ന് അവളുടെ ശബ്ദം കേട്ടപ്പോൾ മനസിലായി.

“നിനക്ക് വേറൊന്നും പറയാനില്ലേ പെണ്ണെ ?

“ആ ണ്ട്.. ഇനി ഇതിന്റെ പേരിൽ പകരം വീട്ടാനൊന്നും നടക്കണ്ട. അയാള് എവിടേലും പോയി
ജീവിച്ചോട്ടെ.. ”

“ആ… ”

ഞാൻ ഒന്ന് മൂളിക്കൊടുത്തു…

“ചൂടാവില്ലെങ്കി ഞാനൊരു കാര്യം പറയാം.. ”

അവൾ മുഖവുരയോടെ പറഞ്ഞു.

“നീ ഒരു കോപ്പും പറയണ്ട..
നിന്റെ കഴുത്തല്ല തല തന്നെ പോയാലും എന്റെ ജീവിതത്തിൽ ഇനി മറ്റൊരുത്തി വരൂല.
അതോണ്ട് ആ സംസാരം നിർത്തിക്കോ !

ഞാൻ ശബ്ദം കനപ്പിച്ചതും അവൾ പിന്നെ മിണ്ടീല. പരസ്പരം കൈകൾ കൊരുത്ത്‌ കണ്ണിൽ കണ്ണിൽ
നോക്കി ഇരുന്നു. കരഞ്ഞു എന്ന് പറയുന്നതാവും ശരി.

“ഇവള്ടെ സംസാരം കേട്ടാൽ ചിരി വരും.കഴുത്തിൽ ഒരു പോറലേറ്റപ്പോഴേക്കും പെണ്ണ് കടന്ന്
ചിന്തിക്കാൻ തുടങ്ങി.. ”

ലച്ചു അകത്തേക്ക് കടന്ന് വന്നു കൊണ്ട് പറഞ്ഞു.പിന്നെ ഞങ്ങൾ സംസാരിച്ചു
കൊണ്ടിരുന്നു.

“രണ്ട് ദിവസം കഴിഞ്ഞ വീട്ടിലേക്ക് പോവാന്നു പറഞ്ഞിട്ട്ണ്ട്… ഇനി റെസ്‌റ് എടുത്ത
മാത്രം മതീന്ന് ”

ലച്ചു അവളുടെ കയ്യിൽ തലോടിക്കൊണ്ട് പറഞ്ഞു.

“അച്ഛനേം അമ്മേനേം കണ്ടില്ലല്ലോ?
അവൾ അത് ചോദിച്ചപ്പോഴാണ് ഞാനും അവരെ കുറിച്ചോർക്കുന്നത്.സ്വന്തം മകൾ ഈ അവസ്ഥയിൽ
കിടക്കുമ്പോൾ തിരിഞ്ഞു നോക്കാത്ത അവർ എന്ത് മനുഷ്യരാണെന്നോർത്തപ്പോൾ എനിക്ക് ദേഷ്യം
ഇരച്ചു കയറി.

“ഫ്‌ളൈറ്റ് കിട്ടീട്ടുണ്ടാവൂല….
ഞാൻ ദേഷ്യത്തോടെ പറഞ്ഞു.
അപ്പോഴാണ് ഒരു കാൾ വന്ന് ലച്ചു എണീറ്റു പോവുന്നത്.

“അടുത്താഴ്ച മൂപ്പർക്ക് ലീവുണ്ടത്രെ ആ ഞായറാഴ

സംസാരിക്കുന്നതിനിടെ ലച്ചവിന്റെ മുഖഭാവം കണ്ട് സംശയം തോന്നിയ ഞാൻ തടിച്ചിയെ മാറ്റി
നിർത്തികൊണ്ട് കാര്യം അന്വേഷിച്ചു…

“ഡാ അമ്മൂന്റെ വീടിന് ഇന്നലെ രാത്രി ആരോ തീവെച്ചു.അച്ഛനും അമ്മേം
ഉറങ്ങീല്ലായിരുന്നു അതോണ്ട് രക്ഷപ്പെട്ടു. രണ്ടാൾക്കും പൊള്ളലേറ്റിട്ട്ണ്ട്.
ഹോസ്പിറ്റലിൽ ആണ്. വീടാകെ കത്തി നശിച്ചു പോയി.

ലച്ചു സ്വകാരം പറയുന്ന പോലെ മന്ത്രിച്ചു

“അതവനാണ് ഉണ്ണി… ”

ആ പേര് ഉച്ചരിക്കുമ്പോൾ എന്റെ രക്തം തിളക്കുന്നുണ്ടായിരുന്നു.

“പിന്നെ ഒരു കാര്യം കൂടെ…

ലച്ചു ചുറ്റും നോക്കി കൊണ്ട് പറഞ്ഞു…

എന്താ…?

“അമ്മുവിന്റെ അകന്ന ബന്ധുവില്ലേ മോഹനേട്ടൻ അയാളെ ആരോ ഇന്നലെ കുത്തി കൊലപ്പെടുത്തി.”
അതും ഉണ്ണിയാണെന്നാ പറയുന്നേ. പോലീസ് അവനെ തിരയുന്നുണ്ട്…

പേടിച്ചരണ്ട കണ്ണുകളോടെ ലച്ചു പറഞ്ഞു നിർത്തി എന്റെ കയ്യിൽ മുറുകെ പിടിച്ചപ്പോൾ
ഇടിവെട്ടേറ്റപോലെ ഞാൻ നിന്നു.ഞങ്ങളെ ഒരുമിപ്പിക്കാൻ ശ്രമിച്ച പാവം മോഹനേട്ടനെ അവൻ..
ഈ നരഭോജിയെ ഇനിയും ജീവിക്കാൻ അനുവദിച്ചു കൂടാ.അല്ലങ്കിൽ എന്റെ കുടുംബം അവൻ കുളം
തോണ്ടും അതുറപ്പാണ്.

“എടാ ആ ദുഷ്ടൻ നമ്മളേം കൊല്ലുവോ.. എനിക്ക് പേടി ആവുന്നു…

“അവനൊരു ക്രിമിനൽ ആണമ്മേ
സൂക്ഷിക്കണം. അച്ഛൻ എന്തെ..?

എനിക്കപ്പോഴാണ് അച്ഛന്റെ ഓർമ വന്നത്. ഇന്നലെ അച്ഛന്റെ മുന്നിൽ പത്തി മടങ്ങിയതിന്റെ
ദേഷ്യത്തിൽ അവൻ വല്ലതും.. !

“നീ ഒന്ന് വിളിച്ച് നോക്കിക്കേ.. “

അത് പറയുമ്പോൾ ലച്ചു കരച്ചിലിന്റെ വക്കിലെത്തിയിരുന്നു.ഫോണെടുത്ത്‌ അച്ഛന്റെ
നമ്പറിലേക്ക് ഡയൽ ചെയ്യാൻ തുടങ്ങിയപ്പോൾ അതാ അച്ഛന്റെ കോൾ ഇങ്ങോട്ട് വരുന്നു.

“ഹലോ എവിടെയാ അച്ഛാ….

ടെൻഷൻ ഒളിച്ചു വെക്കാതെ ഞാൻ ചോദിച്ചു

“തറവാട്ടില്….

അച്ഛൻ ഗൗരവത്തോടെ പറഞ്ഞു.

“അവിടെ എന്താ..?

ഇയാളെന്തിനാ ആ പ്രാന്തന്റെ മടിയിലേക്ക് ചെന്ന് കേറിയത് എന്നായിരുന്നു എന്റെ
മനസ്സിൽ.

“ചെറിയൊരു വിശേഷം ണ്ട് ഉണ്ണി ആത്മഹത്യ ചെയ്തു !

അച്ഛന്റെ വാക്കുകൾ ശരം പോലെ കാതിലും പിന്നീട് നെഞ്ചിലും തുളച്ചു കയറി.ഈ
നടക്കുന്നതൊക്കെ സ്വപ്നമാണോ സത്യമാണോ എന്നറിയാതെ ഞാൻ മിഴിച്ചു നിന്നു.അച്ഛൻ പറഞ്ഞത്
ഫോണിലൂടെ കേട്ട ലച്ചു നെഞ്ചിൽ കൈ വെച്ചു കൊണ്ട് നിലത്തേക്കിരുന്നു. സന്തോഷം കൊണ്ട്
തുള്ളിച്ചാടാനാണ് എനിക്കപ്പോൾ തോന്നിയത്.ഉള്ളിൽ ആഹ്ലാദം അലയടിച്ചപ്പോൾ ഞാൻ
അമ്മുവിനോട് കാര്യം പറഞ്ഞു.
ഞെട്ടലോടെ അവൾ എന്നെ നോക്കി കിടന്നു.

“നമുക്കിനി ആരെയും പേടിക്കണ്ട പെണ്ണെ.. ആ കാലൻ ചത്തു. ”

ഞാനവളുടെ കവിളിൽ മുത്തികൊണ്ട് പറഞ്ഞു

“ഇനിയിപ്പോ മരിച്ചത് കൊണ്ടെന്താ പൊന്നൂസിന് നല്ല എട്ടിന്റെ പണി തന്നിട്ടല്ലേ അയാള്
പോയത്
ആജീവനാന്ത കാലം ഈ ജീവച്ഛവത്തെ ചുമക്കാൻ !”

അമ്മു കണ്ണ് നിറച്ചു കൊണ്ട് പറഞ്ഞു.അതിന് ഞാൻ മറുപടിയൊന്നും പറഞ്ഞില്ലാ. അവളുടെ
അനുവാദം വാങ്ങി ഞാൻ ഹോസ്പിറ്റലിൽ നിന്ന് പോന്നു. നേരെ പോയത് മോഹനേട്ടന്റെ
വീട്ടിലേക്കാണ്.ഞാൻ ചെല്ലുമ്പോൾ ബോഡി പോസ്റ്റ്‌മോർട്ടം ചെയ്ത് കൊണ്ട് വന്നിട്ടേ
ഒള്ളൂ..
ചേതനയറ്റ ആ ശരീരത്തിന് മുന്നിൽ ഒരു പിടി കണ്ണീർപൂക്കൾ അർപ്പിച്ചു കൊണ്ട് ഞാൻ
തിരിച്ചു പൊന്നു. അയാളുടെ ഭാര്യയുടെയും മക്കളുടെയും കരച്ചിൽ കണ്ട് അവിടെ നിക്കാൻ
തോന്നീല എന്നതാണ് സത്യം.മൂന്ന് മക്കളിൽ ഒരാളുടെ കല്യാണം ഇനി കഴിയാനുണ്ട്.
മനഃപൂർവ്വമല്ലെങ്കിൽ കൂടി മൂപ്പരുടെ മരണത്തിനു ഞാനാണല്ലോ കാരണക്കാരൻ എന്ന കുറ്റബോധം
എന്നെ വല്ലാതെ വേട്ടയാടി കൊണ്ടിരുന്നു.അവിടുന്ന് നേരെ തറവാട്ടിലേക്ക് പോയി
ഉണ്ണിയുടെ മൃതദേഹം കുറച്ച് നേരം നോക്കി നിന്ന് മനസ്സിനെ ആശ്വസിപ്പിച്ചു തിരിച്ചു
പോന്നു.

പിന്നീടുള്ള ദിവസങ്ങൾ എനിക്ക് വിശ്രമം ഇല്ലാത്തതായിരുന്നു.അമ്മുവിന്റെ കൂടെ തന്നെ
മിക്കസമയവും അതിനിടെ ഗ്യാപ്പിൽ അവളുടെ അച്ഛനെയും അമ്മയെയും കാണാൻ പോവും.രണ്ട്
പേർക്കും പൊള്ളലേറ്റിട്ടുണ്ട്.പക്ഷെ സീരിയസ് ഒന്നും അല്ലാ.അവരുടെ കാര്യങ്ങൾ
പെട്ടന്ന് തീർത്തു കൊടുത്ത് ഞാൻ വേഗം അമ്മുവിന്റെ അടുത്തേക്ക് ഓടും.അച്ഛൻ
ഇടയ്ക്കിടെ വീട്ടിൽ പോയി വരാറുണ്ടെങ്കിലും അമ്മ അവളെ ഹോസ്പിറ്റലിൽ അഡ്മിറ്റ്‌
ചെയ്‌ത

അന്ന് മുതൽ കാവലിരിക്കാൻ തുടങ്ങിയതാണ്.ഞാൻ ഇടക്ക് പോയി ഡ്രസ്സ്‌ കൊണ്ട് വന്ന്
കൊടുക്കും. എത്ര പറഞ്ഞാലും അമ്മ അവളുടെ അടുത്ത് നിന്ന് മാറില്ല.അധികം സംസാരിക്കണ്ട
എന്ന് ഡോക്ടറുടെ മുന്നറിയിപ്പ് കിട്ടിയതോടെ അമ്മു സൈലന്റ് ആയി.ഞാനും ലച്ചുവും മാറി
മാറി സംസാരിക്കും അവളത് കേട്ടുകൊണ്ട് അങ്ങനെ കിടക്കും.ജ്യൂസും കഞ്ഞി വെള്ളവും
മാത്രം ആയിരുന്നു അവളുടെ ഭക്ഷണം.സ്ട്രോ വായിലേക്ക് വെച്ച് കൊടുത്താൽ അവൾ പതിയെ
കുടിച്ച് തീർക്കും.എന്റെ പ്ലേറ്റിൽ നിന്നും അക്രമം കാണിച്ച് വാരിക്കഴിക്കുന്ന
അവളുടെ അവസ്ഥ കണ്ട് പലപ്പോഴും എന്റെ കണ്ണ് നിറയാറുണ്ട്. അവളെ കാണിക്കാറില്ലെന്ന്
മാത്രം..

ഉണ്ണിമാമയുടെ മരണവുമായി ബന്ധപ്പെട്ട് പിന്നീടുള്ള കുറച്ച് ദിവസങ്ങളിൽ പോലീസിന്റെ
അന്വേഷണം തകൃതിയായി നടന്നു.പലകുറി ഞങ്ങളുടെയൊക്കെ മൊഴിയെടുത്തു.അവസാനം
കൊലക്കുറ്റത്തിന് പിടിക്കപെടുമെന്ന് ഭയന്ന പ്രതി ഭക്ഷണത്തിൽ വിഷം കലർത്തി ആത്മഹത്യാ
ചെയ്തു എന്ന് എഫ് ഐ ആർ എഴുതി പോലീസ് കേസ് ക്ളോസ് ചെയ്തു.അതിന്റെ പിറ്റേന്നാണ്‌
അമ്മുവിനെ ഡിസ്ചാർജ് ചെയ്യുന്നത്.

ചെറിയ കുലുക്കം പോലും അവളെ ബാധിക്കുമെന്നതിനാൽ ആംബുലൻസിൽ വളരെ സൂക്ഷിച്ചാണ്
വീട്ടിലേക്ക് കൊണ്ട് പോയത്.അച്ഛന് പൂർണ സമ്മതം അല്ലായിരുന്നെങ്കിലും ലച്ചു നിർബന്ധം
പിടിച്ചതാണ് വീട്ടിലേക്ക് കൊണ്ട് പോയത്.ഇതിനിടെ ആശുപത്രിയിൽ വെച്ച് അച്ഛൻ എന്നോട്
മാപ്പ് പറയുകയും വീട്ടിലേക്ക് ക്ഷണിക്കുകയും ചെയ്തിരുന്നു.

അമ്മുവിനെ നോക്കാൻ മുഴുവൻ സമയവും ഒരാള് കൂടെ വേണം എന്നുള്ളത് കൊണ്ട് ലച്ചു
ലീവെടുക്കാം എന്ന് പറഞ്ഞതാണ്. പക്ഷെ ഞാൻ സമ്മതിച്ചില്ല.എല്ലാരുടെയും എതിർപ്പിനെ
മറികടന്നു കൊണ്ട് ഞാൻ അവളുടെ പരിചരണം ഏറ്റെടുത്തു.

“ചെക്കാ അവൾക്ക് മൂത്രമൊഴിക്കാൻ പോലും കക്കൂസിലേക്കൊന്നും പോവാൻ പറ്റില്ല അതിനൊക്കെ
പാത്രം വെക്കേണ്ടി വരും.. നീയെങ്ങനെയാ അതൊക്കെ..
അത് ശരിയാവൂല.. ”

എന്നെ പിന്തിരിപ്പിക്കാനുള്ള അവസാന ശ്രമം പോലെ ലച്ചു പറഞ്ഞു.

“സാരല്ല, ഞാൻ ചെയ്തോളാം !
എന്റെ മറുപടി ആലോചിച്ചുറപ്പിച്ചതായിരുന്നു.

“സാരല്ലമ്മേ എനിക്കും പൊന്നൂസാണ് കൂടുതൽ കംഫർട്ടബിൾ, പിന്നെ ഈ നാശത്തെ
പ്രണയിച്ചതിന് മൂപർക്കുള്ള ശിക്ഷയാവും ഇത്!
അമ്മു ആ കാര്യത്തിൽ ഒരു തീർപ്പുണ്ടാക്കിയതോടെ അമ്മ പിന്മാറി.
അങ്ങനെ ഞാൻ ചാർജെടുത്തു ആദ്യമൊക്കെ അവൾക്കിത്തിരി മടിയുണ്ടായിരുന്നു.ഞാൻ പക്ഷെ അവളെ
നിരന്തരം സമാധാനിപ്പിച്ചു കൊണ്ടിരുന്നു.അതോടെ അവളും ഈസിയാവാൻ തുടങ്ങി.അത് കൂടാതെ
മരുന്നുകൾ കൃത്യ സമയത്ത് കൊടുക്കും പിന്നെ ഭക്ഷണം കഴിപ്പിക്കും.കുളിപ്പിക്കാൻ
പറ്റാത്തൊണ്ട് തുണി നനച്ചു ദേഹം മൊത്തം തുടച്ചു കൊടുത്ത്‌ ഡ്രസ്സ്‌ മാറ്റിക്കും
പിന്നെ ഞങ്ങൾ അങ്ങനെ

സംസാരിച്ചിരിക്കും.അവളുടെ മടിയിൽ തലവെച്ചു കിടക്കുമ്പോൾ പെണ്ണ് കൈ എത്തിച്ചു തല
മസാജ് ചെയ്ത് തരും.അവളുടെ ആവശ്യത്തിനല്ലാതെ ഞാൻ റൂമിൽ നിന്ന് പോലും
ഇറങ്ങാതായി.എന്നെ കണ്ടില്ലെങ്കി പെണ്ണ് കുഞ്ഞുങ്ങളെപ്പോലെ ബഹളം വെക്കുന്നത്
ശീലമാക്കി.

“ഈ ആക്രിയെ വല്ല കൊക്കേലും കൊണ്ട് എറിഞ്ഞിട്ട് നല്ലൊരു പെണ്ണിനെ കെട്ടാൻ നോക്ക്
ചെക്കാ.. ”

ശബ്ദം കേട്ട് ഞാൻ ഓടിച്ചെല്ലുമ്പോൾ അവൾ പാതി കാര്യമായി പറയും. വന്ന് വന്ന്
ഞാനതൊക്കെ മൈൻഡ് ചെയ്യാതായപ്പോൾ അവൾ പറച്ചില് നിർത്തി.
വീടിന്റെ മുറ്റം പോലും കാണാറില്ലെങ്കിലും അവളോടൊപ്പം ഞാൻ ഹാപ്പി ആയിരുന്നു.

“ഇതൊക്കെ അങ്ങേരു നമ്മളെ പരീക്ഷിക്കുന്നതാടീ.. കൂളായിട്ട് ഇരിക്ക് മൂപ്പര് ചമ്മി
നാറണം ”

ഞാൻ ഇടയ്ക്കിടെ അവളോട് പറയാറുണ്ട്. അത് കേൾക്കുമ്പോൾ അവൾ ഒന്ന് ഉഷാറായി
പാൽപ്പല്ലുകൾ കാട്ടി ചിരിക്കും.അച്ഛൻ എല്ലാം മേടിച്ചു കൊണ്ട് തരുമെങ്കിലും അവളോട്
സംസാരിക്കാൻ എന്തോ മടിയുള്ള പോലെ തോന്നാറുണ്ട് എനിക്ക്.പതിയെ പതിയെ അതിനും മാറ്റം
വന്നു തുടങ്ങി. വന്ന് വന്ന് അവർ തമ്മിൽ നല്ല കൂട്ടായി.വീടും കിടപ്പാടവും പോയ അവളുടെ
അച്ഛനെയും അമ്മയെയും ലച്ചു ഇടപെട്ട് വാടക വീട്ടിലേക്ക് മാറ്റി.ഉണ്ണിമാമയുടെ
മരണത്തോടെ അച്ഛമ്മ വീടും പറമ്പും കുട്ടൻ മാമക്ക് എഴുതി കൊടുത്ത് ഞങ്ങളുടെ
വീട്ടിലേക്ക് താമസം മാറ്റി അച്ഛനും അമ്മയും ഇടക്ക് വരാറുണ്ട്.കൃത്യമായ
ചികിത്സയുടെയും ഫിസിയോ തെറാപ്പിയുടെയും ദൈവാനുഗ്രഹത്തിന്റെയും ഫലമായി ഏകദേശം നാല്
മാസം ആയപ്പോഴേക്കും അമ്മു കഴുത്ത്‌ അനക്കാൻ തുടങ്ങി.അതോടെ എല്ലാവർക്കും വല്യ
സന്തോഷം ആയി പിന്നെ പിന്നെ ഞാൻ കഴുത്തിൽ മസാജ് ചെയ്ത് കൊടുക്കാനും തുടങ്ങി.സാവധാനം
അവൾ പൂർവ സ്ഥിതിയിലായി.കുറെ കാലം അനങ്ങാതെ കിടന്നത് കൊണ്ട് അവൾക്ക്
എണീറ്റിരിക്കുമ്പോഴേക്കും തല ചുറ്റുന്നുണ്ടായിരുന്നു.ഇടക്ക് ഞാനും ലച്ചുവും മാറി
മാറി കുറച്ച് ദൂരം പിടിച്ചു നടത്തിക്കും.എന്റെ പഴയ കുറുമ്പിയായി മാറിക്കഴിഞ്ഞു
പെണ്ണിപ്പോൾ.എട്ടുമാസം ആയപ്പോഴേക്കും ചികിത്സ പൂർണമായി നിർത്തി.കഴിഞ്ഞ കാലം ഒരു
ദുസ്വപ്‌നം പോലെ മറന്ന് വീണ്ടും ഞങ്ങൾ പ്രണയ ജോഡികളായി പാറി പറക്കാൻ
തുടങ്ങിവീട്ടിലെ സർവഅധികാരിയായി അവൾ വിലസി നടക്കുവാണ് ഇപ്പൊ.അച്ഛൻ കൂടെ കൂടെ അവളെ
വിളിക്കാറുണ്ട്.ലച്ചു കല്യാണത്തിന് മുന്നേ തന്നെ വീടിന്റെ ഭരണം അവളെ ഏൽപ്പിച്ചു
കഴിഞ്ഞു . സത്യം പറഞ്ഞാൽ എനിക്കിതൊന്നും തീരെ പിടിക്കുന്നില്ല.അതു കൊണ്ട് തന്നെ തരം
കിട്ടുമ്പോഴെല്ലാം ഞാൻ അവളെ നുള്ളാനും പിച്ചാനും തുടങ്ങി.അവൾ ലച്ചുവിനോട് പറഞ്ഞു
കൊടുത്ത് പലിശ സഹിതം അത് തിരിച്ചു തരും.
നാട്ടിൽ എല്ലാവരും ഞങ്ങളുടെ കാര്യങ്ങൾ അറിഞ്ഞു കഴിഞ്ഞിരുന്നു.ആദ്യമൊക്കെ ചോദ്യങ്ങൾ
ഉണ്ടായെങ്കിലും പിന്നെ പിന്നെ അതാരും ശ്രദ്ധിക്കാതായി.പിന്നെ ഞങ്ങളുടെ കാര്യം
അന്വേഷിക്കല് മാത്രം അല്ലല്ലോ നാട്ടുകാർക്ക് പണി.
പരസ്പരം മതിമറന്നു സ്നേഹിക്കുന്ന ദിവസങ്ങളിലൊന്നിൽ ലച്ചുവിനോടൊപ്പം അടുക്കളയിൽ
കറിക്കരിഞ്ഞു കൊണ്ടിരിക്കുകയാണ് പെണ്ണ്.
ഞാനാണെങ്കിൽ അവളെ കാണാതെ അസ്വസ്ഥനായി അങ്ങോട്ടും ഇങ്ങോട്ടും നടക്കുന്നു

“അമ്മൂ… ”

ഞാൻ നീട്ടി വിളിച്ചു

ഓ…

അടുക്കളയിൽ നിന്ന് എല്ലാരേയും കേൾപ്പിക്കാൻ അവൾ വിളികേട്ടു

“ഇത്തിരി വെള്ളം എടുത്ത്‌ താ…

കഷ്ടണ്ട് ട്ടോ പൊന്നൂസേ ഞാനിവിടെ പണീലല്ലേ
ഒന്നെടുത്തു കുടിച്ചൂടേ..?

അവൾക്ക് എന്റെ വിളി തീരെ ഇഷ്ടപ്പെട്ടിട്ടില്ല.

“ഓ ആറേഴു മാസം ദേഹത്ത്‌ ഒരുറുമ്പ് പോലും കടിക്കാതെ കൊണ്ട് നടന്നപ്പോ ഞാൻ
ചെയ്യാത്തതൊന്നും ഇല്ലാ. ആ എനിക്കിപ്പോ ഒരു തുള്ളി വെള്ളം എടുത്ത് തരാൻ സൗകര്യം
ഇല്ലാല്ലേ.. ആയിക്കോട്ടെ…

ഞാൻ അവസാന ആയുധമായ സെന്റി എടുത്തലക്കി.

അടുത്ത നിമിഷം ഗ്ലാസ്സിൽ വെള്ളവുമായി അവൾ ഹാളിലേക്ക് വന്നു.

“ന്നാ ഇനി വെള്ളം കിട്ടാഞ്ഞിട്ട് ചാവണ്ട….

അവൾ കുറുമ്പൊടെ പറഞ്ഞ് ഗ്ലാസ്‌ എന്റെ നേരെ നീട്ടി.ഞാൻ പുഞ്ചിരിയോടെ അവളെ കടന്ന്
പിടിച്ചതും അവൾ നാണത്തോടെ തലകുനിച്ചു.

“അമ്മ അപ്പുറത്ത്‌ണ്ട് ട്ടോ ചെക്കാ….

അവൾ എന്റെ കയ്യിൽ നുള്ളികൊണ്ട് പറഞ്ഞു.

“ആരുണ്ടായാലും എനിക്ക് വിഷയല്ല… കാണാൻ കൂടി കിട്ട്ണില്ലല്ലോ ഇപ്പോ ഫുൾ ടൈം അമ്മേടെ
വാലായിട്ട് നടക്കല്ലേ..”

“എന്റെ ചക്കര കുട്ടനല്ലേ ഒന്ന് വിടെടാ… അമ്മ കണ്ടാ മാനം പോവും… ”

അവൾ കെഞ്ചാൻ തുടങ്ങി. പക്ഷെ അപ്പോഴും ഒരു കള്ളച്ചിരി ആ മുഖത്തുണ്ടായിരുന്നു.

“കുടിക്കാൻ തന്നിട്ട് എത്ര കാലായീന്ന് വല്ല വിചാരോം ണ്ടോ.. പെണ്ണെ…?

“അതിനെന്താ ദാ വെള്ളം കുടിച്ചോ..

“അച്ഛന് കൊണ്ട് കൊടുക്ക്… !

“ദേ എന്റെച്ചനു പറയണ്ടാട്ടോ.. ”
അവൾ ചിണുങ്ങി.

“നീ വേണേൽ എന്റച്ഛനേം വിളിച്ചോടി…

“അയ്യടാ പാവാണ്‌ എന്റെ അമ്മായിയപ്പൻ….

“എന്നാ ഒരുമ്മ തന്നിട്ട് പൊക്കോ..

പറഞ്ഞു തീർന്നില്ല അവളുടെ ചുണ്ടുകൾ എന്റെ കവിളിൽ മുദ്ര വെച്ചു. കുറുമ്പൊടെ എന്നെ
ഒന്ന് നോക്കിയ ശേഷം
അവൾ എന്റെ മാറിലേക്ക് തലചായ്ച്ചു.

“ഡീ അമ്മ കാണും.. ”

ഞാനവളുടെ പുറത്ത് തലോടിക്കൊണ്ട് പറഞ്ഞു..

“കാണട്ടെ വേറാരും അല്ലല്ലോ ന്റെ ഏട്ടനല്ലേ.. എത്ര ദിവസായി ഇങ്ങനെ നിന്നിട്ട്.. ”

അവൾ കുറുകിക്കൊണ്ട് എന്നെ മുറുക്കിയണച്ചു.

“ദിവസവും നിക്കാനുള്ള
ഏർപ്പാടുണ്ടാക്കാം.. പെട്ടന്ന് തന്നെ പിടിച്ചു കെട്ടിക്കാനാ അച്ഛൻ പറഞ്ഞേക്കുന്നെ…

ഞങ്ങളുടെ പിന്നിൽ ഇതെല്ലാം കണ്ടു കൊണ്ട് നിന്ന ലച്ചു ചിരിയോടെ പറഞ്ഞു.

“ശ്ശേ ഈ അമ്മ…. “

അമ്മു നാണത്തോടെ പറഞ്ഞു കൊണ്ട് ഉള്ളിലേക്കോടി.

“അമ്മ കാര്യായിട്ടാണോ പറഞ്ഞേ, അച്ഛൻ സമ്മതിച്ചോ?

ഞാൻ ആകാംഷയോടെ ചോദിച്ചു.

“ആ ചെറുതായിട്ട് നടത്തിയ മതീന്നാ അച്ഛൻ പറയ്ണെ..
വേറൊന്നും കൊണ്ടല്ല. എല്ലാം എല്ലാരും അറിഞ്ഞ സ്ഥിതിക്ക് ഇനി നാട്ടുകാരെ
ബോധിപ്പിക്കണ്ടല്ലോന്നാണ് മൂപ്പര് ചോദിക്കുന്നെ..
പക്ഷെ അത് പറ്റൂല എനിക്കിത് ആഘോഷമായിട്ട് തന്നെ നടത്തണം.നാടാകെ അറിഞ്ഞു വലിയൊരു
ആഘോഷായിട്ട് നടത്തും ഞാൻ !

ലച്ചു എന്നോടായി പറഞ്ഞു.

“ശ്ശോ വേണ്ടായിരുന്നു… ”

ഞാൻ നാണത്തോടെ പറഞ്ഞു കൊണ്ട് ലച്ചുവിനെ കെട്ടിപിടിച്ചു

പിന്നീടുള്ള ദിവസങ്ങൾ കല്യാണത്തിനുള്ള ഒരുക്കങ്ങളുടെതായിരുന്നു
കല്യാണത്തിന് മുന്നേ അമ്മ അവളുടെ അച്ഛനെയും അമ്മയെയും വിളിച്ചു വരുത്തി അവരുടെ കൂടെ
വിട്ടു.

“എല്ലാം ചടങ്ങ് പോലെ തന്നെ നടക്കട്ടെ, അടുത്താഴ്ച ഞാനും എന്റെ മകനും വരുന്നുണ്ട്
ഇവളെ കല്യാണം ആലോചിക്കാൻ “

ലച്ചു ഗൗരവത്തിൽ പറഞ്ഞ് അവരെ യാത്രയാക്കി.

തൊട്ടടുത്ത ഞായറാഴ്ച ഞാനും ലച്ചുവും അച്ഛമ്മയും പെണ്ണ് കാണലിനായി
ഒരുങ്ങിയിറങ്ങി.ആകെ മൂന്ന് കിലോമീറ്റർ ദൂരമേ ഒള്ളൂ അവരിപ്പോ താമസിക്കുന്ന
വീട്ടിലേക്ക്.രാവിലെ പത്തു മണിയോടെ അവർ ഞങ്ങളെ സ്വീകരിച്ചു.
എനിക്കും അമ്മുവിനും ചിരി അടക്കാൻ കഴിയുന്നുണ്ടായിരുന്നില്ല.പക്ഷെ ലച്ചുവിനെ പേടിച്
ഞങ്ങൾ നിയന്ത്രണം പാലിച്ചു
ചായയും കൊണ്ട് വന്നപ്പോൾ പക്ഷെ ഞങളുടെ നിയന്ത്രണം വിട്ടു.ആർത്തു ചിരിച്ചുകൊണ്ട്
അമ്മു നിലത്തേക്കിരുന്നു.രണ്ടിനും കണക്കിന് കിട്ടി അമ്മയുടെ അടുത്ത് നിന്ന്.

“ആഹ് ഇത്ര ദുഷ്ടയായ അമ്മായിയമ്മയോടൊപ്പം ജീവിക്കാൻ എനിക്ക് പറ്റൂല..ഐ ആം സോറി.. “

ലച്ചുവിന്റെ അമർത്തിയുള്ള നുള്ള് കിട്ടിയ ദേഷ്യത്തിൽ കൈ തടവി കൊണ്ട് അമ്മു എന്നോട്
പറഞ്ഞു.

“ഡീ നിന്നെ ഞാൻ..

ലച്ചു ചിരിയോടെ അവളുടെ നേരെ കൈയ്യോങ്ങി.

“നിങ്ങളെത്ര പവൻ കൊടുക്കും ഇവൾക്ക്?

ലച്ചു ഗൗരവത്തോടെ ചോദിക്കുന്നത് കേട്ട് ഞാനടക്കമുള്ളവർ ഞെട്ടി.

“എന്തോന്നാ ലച്ചൂ ഈ പറയണേ..?
ഞാൻ തടിച്ചിയുടെ കൈ പിടിച്ചു കൊണ്ട് ചോദിച്ചു.

“നീ മിണ്ടാതിരിക്ക്, നാട്ടുകാരെ കാണിക്കാൻ എന്തെങ്കിലും വേണ്ടേ
ഇവർക്കാകെ ഒരു മോളല്ലേ ഒള്ളൂ “

ലച്ചുവിന്റെ സ്വരം കൂടുതൽ കടുത്തു തുടങ്ങിയതും അമ്മുവിന്റെ മുഖം മാറാൻ
തുടങ്ങിയിരുന്നു.

“അതിപ്പോ തല്ക്കാലം ഒന്നിനും നിവർത്തിയില്ല.ഇത്തിരി സാവകാശം തന്നാൽ കഴിയന്ന പോലെ
എന്തെങ്കിലും തരാം “
അവളുടെ അച്ഛൻ താഴ്മയായി പറഞ്ഞു.

“സാവകാശം ഒന്നും പറ്റില്ല ഹേ. ഇവൾക്കിപ്പോ തന്നെ ഇരുപത്തഞ്ച് വയസായി.ഇനി വൈകിച്ചാൽ
എങ്ങനെയാ.. “

ഉത്തരമില്ലാതെ അവർ പരസ്പരം നോക്കി.

“ഇവരെക്കൊണ്ടൊന്നും നടക്കൂല ചെക്കാ.നീ ആ കാറിൽ ഉള്ള പെട്ടി എടുത്തോണ്ട് വന്നേ “

ലച്ചു ചിരിയോടെ എന്നോട് പറഞ്ഞു.ഞാനിത് പ്രതീക്ഷിച്ചതാണ്.പക്ഷെ ആ പെട്ടി കാറിൽ
എടുത്ത് വെക്കുന്നത് ഞാൻ കണ്ടില്ലായിരുന്നു. ലച്ചു ചിരിച്ചതോടെ ആശ്വാസത്തിന്റെ
പുഞ്ചിരികൾ എല്ലാവരിലും വിടർന്നു.ഞാൻ എണീറ്റ് പോയി കാറിൽ നിന്ന് പെട്ടി
എടുത്ത്കൊണ്ട് വന്ന് ലച്ചുവിനെ ഏൽപ്പിച്ചു

“.ഇതൊക്കെ എന്റെ ആഭരണങ്ങളാണ്, അത്യാവശ്യം എല്ലാം ണ്ട്.എന്നായാലും
ഇതിവൾക്കുള്ളതല്ലേ…?

ലച്ചു അമ്മുവിന്റെ അച്ഛന്റെ കയ്യിൽ പെട്ടി ഏൽപ്പിച്ചു കൊണ്ട് പറഞ്ഞു.

“ആൾക്കാരെ ടെൻഷൻ ആക്കാൻ അമ്മേം മോനും ബെസ്റ്റാ… “

അമ്മു ചിണുങ്ങി കൊണ്ട് അമ്മയെ കെട്ടിപ്പിടിച്ചു പറഞ്ഞു.അങ്ങനെ സന്തോഷപൂർവ്വം
കാര്യങ്ങൾ നടന്നു.ജാതകം നോക്കൽ കോമഡി ആയതു കൊണ്ട് അതിന്
മെനക്കെട്ടില്ല.കല്യാണക്കാര്യം അറിഞ്ഞപ്പോൾ അമ്മ വീട്ടിൽ നിന്ന് കുറച്ച്
എതിര്പ്പുകൾ ഉണ്ടായി.പക്ഷെ അമ്മയെ എതിർത്തിട്ട് കാര്യം ഇല്ലാന്ന് മനസ്സിലായതോടെ അവർ
പെട്ടന്ന് സമ്മതിച്ചു.വേണ്ടപെട്ടവരെയെല്ലാം ഞാനും ലച്ചുവും നേരിട്ട് പോയി
ക്ഷണിച്ചു.ഒരുക്കങ്ങൾ എല്ലാം പൂർത്തിയാക്കി.ക്ഷണിച്ചു ക്ഷണിച്ചു മൂവായിരത്തോളം
ആളുകളുടെ പരിപാടിയായി മാറി.കല്യാണം അമ്പലത്തിൽ വെച്ച് മതി എന്ന് എനിക്ക് നിർബന്ധം
ആയിരുന്നു.അമ്പലത്തിലെ ഓഡിറ്റോറിയത്തിൽ വെച്ച് സദ്യയും ഏർപ്പാടാക്കി എല്ലാവരുടെയും
സാനിധ്യത്തിൽ ഒരിക്കൽ ഒന്നായ അതെ അമ്പലനടയിൽ വെച്ച് ഞാനവളെ താലി ചാർത്തി.

“ഇപ്പൊ എല്ലാ അച്ഛനും അമ്മയും കൂടെ ഉണ്ട്. അനുഗ്രഹവും ഉണ്ട്.
Are you okey baby?

ഞാൻ താലികെട്ടുന്നതിന് മുന്നേ ചിരിയോടെ അവളോട് ചോദിച്ചു.

“കിന്നാരം പറയാതെ പ്രാർത്ഥിച്ചിട്ട് കെട്ട് പൊന്നൂസേ….

അത്രേം ആൾക്കാരുടെ മുന്നിൽ വെച്ച് എനിക്ക് നല്ലൊരു നുള്ളും ഉപദേശവും കിട്ടി. ഇരന്നു
വാങ്ങി എന്ന് പറയുന്നതാവും ശരി.സകല ദൈവങ്ങളെയും മനസ്സിലേക്കാവാഹിച്ചു കൊണ്ട് ഞാനവളെ
താലി ചാർത്തി.കണ്ട നാൾ മുതൽ എന്റേതാവണമെന്ന് ആഗ്രഹിച്ച എന്നാൽ പലപ്പോഴും
എനിക്കെത്തിപ്പെടാനാവാത്തത്ര അകലത്തിലാണെന്ന് തോന്നിയ, എന്നെ ജീവിക്കാൻ
പ്രേരിപ്പിച്ച, സ്നേഹിക്കാൻ പഠിപ്പിച്ച ആ മുതലിനെ, എന്റെ കുറുമ്പിയെ ഞാനിതാ എന്റേത്
മാത്രമാക്കി മാറ്റിയിരിക്കുന്നു എന്ന ചാരിതാർഥ്യം എന്നെ പുളകം കൊള്ളിച്ചു.

കല്യാണത്തിന് ശേഷം വീട്ടിൽ സൽക്കാരമുണ്ടായിരുന്നു.എല്ലാം കഴിഞ്ഞ് രാത്രി മണിയറയിൽ
കയറി എന്റെ “ഭാര്യയെ” കാത്തിരിക്കുകയാണ് ഞാൻ. പല വ്രതങ്ങളും തെറ്റിക്കാനും ഒടുവിൽ ആ
മാറിൽ തലവെച്ചു നിദ്രയെ പുല്കാനും.ഇതേ സമയം ഉമ്മറത്ത്‌ അച്ഛന്മാരും അമ്മമാരും
പിന്നെ അച്ഛമ്മയും വട്ടം കൂടിയിരുന്ന് വർത്തമാനം പറയുകയാണ്.

“എന്തൊക്കെ പരീക്ഷണങ്ങള് നടന്നു ലെ.. ആ ഉണ്ണി എന്തൊക്കെ പരാക്രമങ്ങള് കാട്ടി കൂട്ടി
അവസാനം ഓൻ സ്വയം അങ്ങട് പോയി !

ദീര്ഘ നിശ്വാസത്തോടെ പറഞ്ഞു നിർത്തി ലച്ചു എല്ലാവരെയും മാറി മാറി നോക്കി.

“ഉണ്ണി പോയതല്ല പറഞ്ഞയച്ചതാ…!

ലച്ചു പ്രതീക്ഷിച്ച ശബ്ദം ഗോപാലേട്ടന്റെതായിരുന്നു എങ്കിലും അത് പറഞ്ഞത് ലക്ഷ്മി
കുട്ടിയമ്മ ആയിരുന്നു..

“ആര്.. ആരാ അമ്മേ..?
ഉദ്വേഗത്തോടെ അമ്മ ചോദ്യമെറിഞ്ഞു.

“ഓന് നമ്മളെല്ലാരേം പറഞ്ഞയക്കണം എന്നായിരുന്നു.അതിനേക്കാൾ നല്ലത് ഓനെ ഒറ്റക്ക്
പറഞ്ഞയക്കുന്നതല്ലേ നല്ലത് ന്ന് തോന്നിയപ്പോ ഞാൻ തന്നെ ഓനെ പറഞ്ഞയച്ചു.ഇക്കല്ലാതെ
ആർക്കാ.. അതിനവകാശം.. പെറ്റതിലൊന്ന് ചാപിള്ള ആയിരുന്നൂന്ന് ഞാൻ കൂട്ടിക്കോളാം… “

ഒറ്റമുണ്ടിന്റെ തലപ്പ് കൊണ്ട് കണ്ണ് തുടച്ചു കൊണ്ട് അച്ഛമ്മ അത് പറഞ്ഞപ്പോൾ കേട്ടത്
തൊണ്ണൂറു വയസ്സ് കഴിഞ്ഞ കിളവിയുടെ ജല്പനം മാത്രമാണെന്ന് മനസ്സിനെ പറഞ്ഞു
പഠിപ്പിക്കാൻ ശ്രമിക്കുകയായിരുന്നു എല്ലാവരും..

ഇതൊന്നുമറിയാതെ പരസ്പരം മതി മറന്ന് പങ്ക് വെക്കുകയാണ് കണ്ണനും അവന്റെ അനുപമയും.കാമ
രസത്തിന്റെ സുന്ദര സ്വപനങ്ങൾ സാക്ഷാത്കരിച്ചുകൊണ്ട് ജേതാവായ കണ്ണൻ അവന്റെ
കുഞ്ഞുവിന്റെ നഗ്നമായ മാറിടത്തിലെ ചൂട് പറ്റി ഉറങ്ങാൻ ശ്രമിക്കുമ്പോൾ.എത്ര ജന്മം
വേണമെങ്കിലും തന്റെ പൊന്നൂസിനെ ഊട്ടാനുള്ള സ്നേഹത്തിന്റെ, പ്രണയത്തിന്റെ പാലാഴി
നെഞ്ചിലുണ്ടെന്ന ഉത്തമ ബോധ്യത്തോടെ അമ്മു അവനെ ചുറ്റി വരിഞ്ഞുകൊണ്ട് മാറിലേക്ക്
ചേർത്തു.
അവർ അനുസ്യൂതം പ്രണയിക്കട്ടെ അവളുടെ നിഷ്ക്കളങ്ക പ്രണയത്തിൽ അസൂയ പൂണ്ട് അവരെ
നോവിക്കാൻ വരുന്നവരെ, പിരിക്കാൻ ശ്രമിക്കുന്നവരെ നേരിടാൻ നമുക്കും അണിചേരാം
ലച്ചുവിന്റെയും ഗോപാലന്റെയും ലക്ഷ്മികുട്ടിയുടെയും കൂടെ…

(അവസാനിച്ചു )
Thank u my dears for your love, support and affection and care
Forgive my faults